André-Hercule de Fleury

André-Hercule de Fleury (fødd 22. juni 1653 i Lodéve i Frankrike, død 29. januar 1743 i Issy nær Paris) var ein av kardinalane i den katolske kyrkja og ein statsmann under kong Ludvig XV.

André-Hercule de Fleury
Fødd	22. juni 1653 Lodève
Død	29. januar 1743 Issy-les-Moulineaux
Nasjonalitet	Frankrike
Område	sjelesorg, statsforvaltning, politikk
Yrke	politikar, katolsk prest, minister, katolsk biskop
Alma mater	Lycée Louis-le-Grand
Medlem	Académie française Det franske vitskapsakademiet Académie des inscriptions et belles-lettres Accademia della Crusca

Han vart biskop av Fréjus i 1698, ei stilling han hadde til 1715. Kort før han døydde i 1715 utnemnde Ludvig XIV han til ein som skulle ta seg av oldesonen hans, den komande Ludvig XV.

Barnekongen gjorde Fleury, som da var 73 år, til sin leiande minister i juni 1726, men han bar aldri tittelen førsteminister (premier ministre). Han vart utnemnd til kardinal 11. september same år av pave Benedikt XIII.

Han ville bringe økonomien i landet på fote igjen blant anna ved å føre ein konsekvent fredspolitikk med England. I utanrikspolitikken var ønsket hans å oppretthalde freden, noko han delte med sir Robert Walpole, og dei to gamle fiendane avstod frå krig i løpet av den tida Fleury virka.

Frankrike vart dradd inn i den austerrikske arvefølgjekrigen, blant anna som ei følgje av den omsynslause agitasjonen til brørne Belle-Isle. Belle-Isle inngjekk ein allianse med Preussen i 1741 og gjekk inn i krigen mot Austerrike. Fleury døydde medan krigen pågjekk.

Kjelder

• Denne artikkelen bygger på «André-Hercule de Fleury» frå Wikipedia på bokmål, den 23. april 2012.