Andreas Maastad

Andreas Maastad (2. august 1881–17. mai 1973) var ein norsk gardbrukar og politikar frå Båstad i Trøgstad. Han representerte Bondepartiet på Stortinget frå 1925 til 1945.

Andreas Maastad
Fødd	2. august 1881 Trøgstad kommune
Død	17. mai 1973 (91 år)
Statsborgar av	Noreg
Parti	Senterpartiet
Yrke	politikar, bonde
Alle verv	stortingsrepresentant (1925–1927) ordførar i Trøgstad stortingsrepresentant (1928–1930) stortingsrepresentant (1931–1933) stortingsrepresentant (1934–1936) stortingsrepresentant (1937–1945)

Maastad tok over farsgarden Måstad i Båstad i 1914, og dreiv denne i fleire tiår. Han var ordførar i Trøgstad herad 1923-25, og stortingsrepresentant for Østfold fylke frå 1925. På Tinget var han i den fyrste treårperioden medlem i protokollkomiteen, i den andre nestformann i same komiteen. 1931-33 var han nestformann i veg- og jarnbanekomiteen. Sidan 1934 var han formann i protokollkomiteen.

I tida 1935-52 var Maastad ordførar i representantskapen for Østlandets Melkesentral, og frå 1945 var han styremedlem i Hypotekbanken.

Kjelder

• Biografisk informasjon om Andreas Maastad NSD Norsk senter for forskningsdatas politikararkiv