Andreas Olsen Sæhlie
Andreas Olsen Sæhlie (1. august 1832–27. august 1896) var ein norsk gardbrukar, næringsdrivar, ordførar og stortingsmann frå Vang i Hedmark.
| Andreas Olsen Sæhlie | |
 | |
| Statsborgarskap | Noreg |
| Fødd | 1. august 1832 Vang kommune |
| Død | |
| Yrke | politikar, bonde |
| Språk | norsk |
| Politisk parti | Venstre |
| Andreas Olsen Sæhlie på Commons | |
Han var son til ein brukseigar. Etter han var ferdig med skulegang i Christiania og utanlands byrja han i faren si verksemd som gardbrukar og brennerieigar. Då faren døydde, overtok han desse og utvida både garden Sæli og verksemda elles. Han kjøpte opp fleire skogeigedomar i Noreg og Sverige og eigde Sælie spritfabrikk. Elles var han medeigar i Christiania bryggeri, Hamar bryggeri, Hamar meieri, Ådals bruk, Vardal sliperi og i Telboge og Liljedals glasverk i Sverige.
Sæhlie var ordførar i Vang i åtte år, og ordførar i Oplandske kreditbanks representantskap frå 1879, styreformann i Hedmarks landbruksselskap frå 1881 og medlem av representantskapet i Selskabet for Norges Vel frå 1892.
Sæhlie representerte Hedemarkens amt på Stortinget frå 1868 til -79. Han var 1868-74 sekretær i budsjettkomiteen, 1871-76 medlem av både valkomiteen og jarnbanekomiteen, samt 1875-79 medlem av skattekomiteen. Elles var han medlem av røysterettskomiteen 1875-77, gasje- og pensjonskomiteen 1877-79 og av den parlamentariske skattekommisjonen av 1877. I 1872 var han med i Stortinget sin deputasjonen til tusenårsfeiringa i Haugesund.
Sæhlie døydde under ein fisketur på ein av eigedomane sine i Gausdalsfjella.
Utmerkingar
endreSæhlie var innehavar av St. Olavs Orden.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Andreas Olsen Sæhlie NSD Norsk senter for forskningsdatas politikararkiv