Anna Bogalij-Titovets

Anna Ivanovna Bogalij-Titovets, russisk Анна Ивановна Богалий-Титовец, (fødd 12. juni 1979) i Vozjega i Vologda oblast) er ein russisk skiskyttar. Ho er olympisk meister i stafett.

Anna Bogalij-Titovets
Statsborgarskap	Russland
Fødd	12. juni 1979 (45 år) Vozjega
Idrett	skiskyting
Tok del i	Vinter-OL 2002, biathlon at the 2006 Winter Olympics – women's relay, Skiskyting under Vinter-OL 2010 – Stafett kvinner
Utmerkingar	Fedrelandets fortjenstordens medalje av 2. klasse, Venskapsordenen, æra meister av idrett i Russland

Anna Ivanovna Bogalij vart fødd i landsbyen Vozjega i Vologda oblast, men då ho var fem år flytta familien til Murmansk. Ho begynte tidleg med skiskyting og oppnådde gode resultat som junior. Allereie i første sesongen hennar som senior, 2000/01-sesongen, vart ho verdsmeister med det russiske stafettlaget i VM i Pokljuka. OL i Salt Lake City året etter vart ein nedtur for Bogali, men i 2004 kom ho sterkt tilbake i VM i Oberhof med sølv på sprinten og bronse på jaktstarten. 2003/04-sesongen vart hennar beste so langt, og ho vann òg sine to første verdscuprenn. I OL i Torino i 2006 fekk ho berre gå ein distanse, 15 km, individuelt, men ho var med på stafettlaget til Russland og var der med å vinna olympisk gull.

Den 9. september 2004 gifta Anna Bogalij seg med Maksim Titovets. Dei bur i Novosibirsk.

Kortfatta merittliste

(pr. 26. februar 2006)

• Verdscupen samanlagt:
  • 5. plass (2003/04)
• Verdsmeisterskap:
  • 1 gull, 3 sølv, 2 bronse (beste individuelt: sølv på sprinten, 2004)
• Olympiske leikar:
  • 1 gull (beste individuelt: 18. plass, sprint 2002)
• Verdscuprenn:
  • 3 gull, 3 sølv, 4 bronse