Annika Hallin

Annika Susanne Hallin (fødd 16. februar 1968) er ein svensk skodespelar fødd i Hägersten. Ho er sambuar med dramatikaren Lars Norén, og har tre born.

Annika Hallin
Statsborgarskap	Sverige
Fødd	16. februar 1968 (56 år) Hägersten
Yrke	skodespelar, filmskodespelar
Språk	svensk
Annika Hallin på Commons

Karriere

Hallin filmdebuterte i kortfilmen Leberman i 1993, men studerte ved teaterhøgskulen i Stockholm 1996-1999. Sidan har ho vore tilsett ved ei rekkje teater i Sverige. Den fyrste langfilmen Hallin spelte i, var En häxa i familjen frå 2000. I 2005 spelte ho Victoria i den norske filmen Vinterkyss av Sara Johnsen. For denne rolla fekk ho Amandaprisen for beste kvinnelege hovudrolle same året.

I 2007 - 2008 spelte ho rolla som Syster Leonora i Arn - Tempelridderen og Arn - Riket ved veiens ende, basert på Jan Guillou sine bøker. Sidan har ho også vorte kjend for rolla som Liv i I taket lyser stjärnorna (2009), og ikkje minst som Annika Gianini i Millennium-trilogien (2009); basert på bøkene av Stieg Larsson. Hallin er no aktuell med spelefilmen Stockholm Östra (2011).

Kjelder

• Denne artikkelen byggjer på «Annika Hallin» frå Wikipedia på svensk, den 25. november 2011.