Anton Jenssen (1850-1927)
Anton Jenssen (18. mai 1850–25. desember 1927) var ein norsk forretningsmann og stortingsmann frå Trondheim.
| Anton Jenssen (1850-1927) | |
 | |
| Statsborgarskap | Noreg |
| Fødd | 18. mai 1850 Trondheim |
| Død |
25. desember 1927 (77 år) |
| Yrke | politikar, handelsmannn |
| Språk | norsk |
| Politisk parti | Høgre |
| Far | Anton Mathias Jenssen |
| Anton Jenssen (1850-1927) på Commons | |
Han var son av børskommissær Anton Mathias Jenssen og Johanne Catharine Richter og soneson av Hans Peter Jenssen (1797–1868). Hans Peter Jenssen (1848–1902) var bror hans.
Jenssen høyrde til fjerde generasjon av Trondheims-handelshuset Jenssen & Co. Sjølv reiste han utanlands og utdanna seg i handel, han var både i Cumberland i England, Dresden og Paris. Frå 1877 var han ein av eigarane av firmaet Jenssen & Co, og han overtok heile firmaet i 1892. Han var børskommissær frå 1893, framleis i Trondheim. Jenssen var styreformann for Nordenfjeldske dampskipsselskap, direktør i Trondhjems privatbank og Trondhjems sparebank. Han var også direktør i Trondhjems Aktietrælastkompani og i A/S Norske Alliance. Han var medlem av formannskapet i Trondheim frå 1882 til -88.
Jenssen var 1. representant frå Trondheim og Levanger på Stortinget 1889-91, der han var medlem av næringskomite nr 2.
Han vart kommandør av St. Olavs Orden i 1911.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Anton Jenssen (1850-1927) i Norsk biografisk leksikon