Arda i Bulgaria
- Sjå òg Arda i Italia.
Arda (bulgarsk Арда, gresk Άρδας, Árdas) er ei elv som renn i Bulgaria og Hellas. Ho har sitt utspring i Rodopifjella i Bulgaria nær landsbyen Smoljan, og renn 290 km austover forbi Kardzjali og Ivajlovgrad, og så inn i Hellas gjennom nordlege delar av prefekturet Évros, inkludert Kastaniés. Ho munnar så ut i elva Évros (Maritsa), like vest for Edirne i Tyrkia. I den bulgarske delen av elva er det bygd tre demningar med tilhøyrande vasskraftverk, Kardzjalidemningen, Studen Kladenets og Ivajlovgraddemningen. 241 km av elva ligg i Bulgaria, og ho er den lengste elva i Rodopifjella. Brua Djavolski most frå mellomalderen er ei bogebru som kryssar elva 10 km frå Ardino.
| Arda | |||
| elv | |||
 | |||
| Land |  Bulgaria,  Hellas
| ||
|---|---|---|---|
| Nedslagsfelt | 5 795 km² | ||
| Lengd | 290 km | ||
| Kjelde | Nær Smoljan i Rodopifjella i Bulgaria | ||
| • høgd | 1 455 moh. | ||
| Munning | Maritsa i Hellas vest for Edirne | ||
 Arda i Bulgaria 41°39′39″N 26°29′42″E / 41.660833333333°N 26.495°E | |||
| Wikimedia Commons: Arda River | |||
Tre gongar i 2005 flauma elva over, særleg i Kastaniés-området, der ho gjorde området om til ein lagune. I lag med Maritsa flauma ho inn i gater og bygningar, slik at fleire menneske vart stranda i heimane sine.