Arnie Norse
Arnie «Skiffle Joe» Norse (14. mai 1925–14. desember 2016)[2] var ein norsk songar og underhaldningsartist.
| Arnie Norse | |||
| Fødd | 14. mai 1925 | ||
|---|---|---|---|
| Død | 14. desember 2016 (91 år) | ||
| Dødsstad | Oslo | ||
| Fødenamn | Arne Trandal[1] | ||
| Opphav | Noreg | ||
| Sjanger | slager | ||
| Instrument | gitar, vokal | ||
| Verka som | songar | ||
Norse var kjend frå skjenkestaden Tranen i Oslo, ei lang rekke utdrikkingslag, nokre fjernsynsopptredenar og eigenproduserte kassettutgjevingar. Han var utdanna typograf og arbeidde i England frå 1950 til midt på 1950-talet. Då han kom tilbake til Noreg tok han til å opptre med å syngja og spela gitar samtidig som han sykla på eithjulssykkel. Han opptredde mellom anna på Sirkus Arnardo.[3]
I 1958 blei den første plata hans gjeven ut, singelen «Mexico-Joe» på A-sida. B-sida var «Oh senorita», som blei ein hit på Island. I denne perioden brukte han tilnamnet «Skiffle Joe», som han fekk av Arne Bendiksen.
I 1978 byrja han å opptre på restaurant Tranen i Oslo, syklande på etthjulssykkel med gitar og cowboyhatt. Han framførte slagerar og frekke viser som «Misjonær i gryta», «Min lille kone (som legger seg på ryggen for ei krone)» og «Jælp mæ å rime (Den sensurerte bært-bært-visa)». Han opptredde kvar veke på Tranen i over 30 år, frå 1978 saman med kona si Nipaporn Norse og eit band gjennom mange år, fram til staden stengde 27. januar 2012.[4]
Diskografi endre
- Tretten frekkiser (1978)
- Greatest Hits! (1987)
- På 3 hjul i svingen (1993/94)
- Manana Amor 14 Brand New Songs (1997)
- Dinge-ling 14 nye gladlåter (1998)
- Under sunnmørsalpene (1998)
- 55 låter som ler og gråter (2011)
Kjelder endre
- Fotnotar
- ↑ Norsk pop & rockleksikon. Eggum, Ose, Steen, Bergan. Vega forlag, 2013, s. 471
- ↑ «Arnie 'Skiffle Joe' Norse er død», VG 16. desember 2016
- ↑ Arnie Norse Arkivert 2018-06-12 ved Wayback Machine.. Rockipedia, besøkt 24. oktober 2014.
- ↑ Tranen er borte, besøkt 24. oktober 2014.