Ashes Are Burning

Ashes Are Burning Studioalbum av Renaissance
Utgjeve	Oktober 1973
Innspelt	April til august 1973
Studio	De Lane Lea Studios i Wembley i Storbritannia
Sjanger	Progressiv rock, psykedelisk folk
Lengd	40:39
Selskap	Sovereign (Storbritannia) Sovereign/Capitol (Nord-Amerika) Sovereign/Harvest (Tyskland) Regal Zonophone (Italia) EMI (resten av Europa og Japan)
Produsent	Dick Plant og Renaissance
Renaissance-kronologi
Prologue (1972)	Ashes Are Burning	Turn of the Cards (1974)

Ashes Are Burning er det fjerde studioalbumet til det engelske progressive rockebandet Renaissance, gjeve ut i 1973. Det var det første av fleire Renaissance-album med orkester på nokre av songane. Det var det første albumet deira som gjekk inn på den amerikanske albumlista Billboard 200, der det nådde 171. plassen.

Meldingar
Karakter
Kjelde	Karakter
AllMusic

Bakgrunn og innspeling

Med Ashes Are Burning gjorde Renaissance eit val om å gå i ei meir akustisk retning, for å skape ein meir vise-aktig stil og skilje seg frå dei meir elektrisk gitar-dominerte banda i det progressive rockemiljøet. Sidan Renaissance på denne tida mangla ein gitarist, spelte bassisten Jon Camp det meste av gitarar på albumet. Michael Dunford, som hadde samarbeidd med Renaissance som komponist, spelte òg akustisk gitar på eit par songar. Han kom seinare med som medlem i bandet, men først etter Ashes Are Burning var utgjeve. Han er derfor ført opp som gjestemusikar.

Det meste av låtskrivinga for albumet vart gjort via post. Dunford sende lydband med ei melodilinje til Betty Thatcher, som skreiv tekstar, og Dunford posta så lydband av seg sjølv som song den ferdige songen til Renaissance, som så laga arrangementa for songen i studio.

Etter å gjort seg klar for å spele inn albumet i De Lane Lea Studios, henta bandet inn Dick Plant, ein lydteknikar, som medprodusent. Bandet var imponert over arbeidet hans på albumet, og brukte han òg som medprodusent på det neste albumet deira.

Songar

Songen «Can You Understand?» nyttar eit sitat frå «Tonya and Yuri Arrive at Varykino», eit tema frå musikken til Maurice Jarre for Doctor Zhivago. I følgje David Samuel Barr, ein ven av bandet som skreiv notata i omslaget til samleplata Tales of 1001 Nights, hadde Dunford tenkt at denne melodien var ein russisk folketone som var i offentleg eige. På grunn av forvirringa kring dette Jarre-sitatet, har somme konsertplater (som Live at the Royal Albert Hall : King Biscuit Flower Hour Vol. 1) feilaktig oppført heile «Can You Understand?» som ein Jarre-song. «Can You Understand?» er òg omtalt av Jon Camp som eit tilfelle der han og John Tout bidrog mykje til komposisjonen utan å bli kredittert for det. Terry Sullivan har stadfesta at introen til «Can You Understand?» vart komponert av Camp og Tout, og ikkje Dunford.

Songen «On the Frontier» vart gjeven ut før (òg i 1973) av bandet til det tidlegare Renaissance-medlemmet Jim McCarty, Shoot. Det var tittelsporet på det einaste albumet deira.

Ein tidleg demoversjon av «Carpet of the Sun», med vokal av Jane Relf, kom ut i 2008 på samlealbumet Jane's Renaissance: The Complete Jane Relf Collection, 1969-1995. Denne inneheld eit vers som ikkje finst i den endelege versjonen, sjølv om det var trykt i plateomslaget til Ashes Are Burning. «Carpet of the Sun» er den einaste Renaissance-songen som er gjeven ut i studioversjon med vokal av både Jane Relf og Annie Haslam.

Nyutgjevingar

I 1978 vart Ashes Are Burning gjeve ut på ny, i lag med det føregåande albumet Prologue, som eit dobbeltalbum kalla In the Beginning. Medan Prologue var komplett, vart songen «At the Harbour» korta ned til litt over tre minutt. Dette kom av opphavsrettslovene i mellomtida hadde endra seg for somme verk frå tidleg på 1900-talet, inkludert Claude Debussy sitt La cathédrale engloutie, som det finst utdrag av i byrjinga og slutten av den fulle versjonen av «At the Harbour». CD-utgåva frå 1988 av In the Beginning (på ei plate) hadde forkorta versjonar av denne songen, men òg av songen «Ashes Are Burning» og ein av songane på Prologue. CD-utgåvene av Ashes Are Burning frå tidleg på 1990-talet inneheld den fulle versjonen av «At the Harbour». Albumet kom òg ut på CD på Repertoire Records i 1995. I 2019 kom albumet på ny ut med ommastra lyd og bonusspor på Esoteric Recordings.

Innhald

Alle songar er skrivne av Michael Dunford and Betty Thatcher, utanom der andre er nemnde.

Side ein

Nr.	Tittel	Låtskrivar(ar)	Lengd
1.	«Can You Understand?»		9:51
2.	«Let It Grow»		4:14
3.	«On the Frontier»	Jim McCarty, Thatcher	4:55

Side to

Nr.	Tittel	Lengd
4.	«Carpet of the Sun»	3:31
5.	«At the Harbour»	6:48
6.	«Ashes Are Burning»	11:20

Bonusspor på 2019-utgåva - spelt inn 3. januar 1974 i Paris Theatre i London

Nr.	Tittel	Lengd
7.	«Can You Understand» (BBC Radio One «In Concert»)
8.	«Let it Grow» (BBC Radio One «In Concert»)
9.	«Ashes are Burning» (BBC Radio One «In Concert»)

Medverkande

Renaissance

• Annie Haslam – solo- og korvokal
• John Tout – klaverinstrument, korvokal
• Jon Camp (oppført som «John Camp») – bass, elektrisk og akustisk gitar, solovokal på spor 3, korvokal
• Terence Sullivan – trommer, korvokal, perkusjon

Andre medverkande

• Michael Dunford – akustisk gitar
• Andy Powell – elektrisk gitarsolo på spor 6
• Richard Hewson – strykararrangement på spor 1 og 4

Produksjon

• Dick Plant – produsent, lydteknikar
• Richard Goldblatt – assisterande lydteknikar
• Hipgnosis – plateomslag

Kjelder

• Denne artikkelen bygger på «Ashes Are Burning» frå Wikipedia på engelsk, den 8. april 2020.
  • Wikipedia på engelsk oppgav desse kjeldene: