Avihayil

Avihayil (hebraisk skrift אֲבִיחַיִל, tyder Styrkens far) er ein moshav sentralt i Israel. Han ligg nordaust for Netanya og høyrer til Heferdalen regionale kommune. I 2012 hadde han eit folketal på 1 394.

Avihayil
אֲבִיחַיִל
landsby
Land	Israel
Distrikt	Sentral
Kommune	Heferdalen
Koordinatar	32°21′1.44″N 34°52′19.56″E
Folketal	1 394 (2012)
Grunnlagd	19. juli 1932
- Grunnlagd av	Veteranar frå Den jødiske legionen.
Tilhøyrsle	Moshavrørsla
Avihayil 32°21′1″ N 34°52′20″ E
Wikimedia Commons: Avihayil

I 1921 slo veteranar frå Den jødiske legionen under den fyrste verdskrigen seg ned i eit ørkenområde som dei fekk av dei britiske mandat-styresmaktene nordaust i Negev, nær Tel Arad. Busetnaden vart fråflytta då dei ikkje fann vatn.

Ein ny landsby vart grunnlagd i Heferdalen den 19. juli 1932 på eit audeområde med sanddyner, eigd av Jewish National Fund.

I 1946 vart Avihayil slått saman med ein nærliggande moshav, Ein HaOved. Grunnleggjarane var immigrantar frå Canada, Russland og USA, i tillegg til fleire innfødde israelarar. I 1967 var det 605 innbyggjarar i landsbyen og hovudnæringa var jordbruk, mellom anna sitrus.

Kjelder

• Denne artikkelen bygger på «Avihayil» frå Wikipedia på engelsk, den 15. august 2015.
  • Wikipedia på engelsk oppgav desse kjeldene: