Azadliqplassen

Azadliqplassen (aserbajdsjansk Azadlıq meydanı, russisk Площадь Свободы, Plotsjsjad Svobody) er den største plassen i sentrum av Baku i Aserbajdsjan. Han ligg ved sidan av Baku Bulvar.

Azadliqplassen
Azadlıq meydanı
plass
Land	Aserbajdsjan
By	Baku
Koordinatar	40.3724°N 49.8534°E / 40.3724; 49.8534
Azadliqplassen 40.3725°N 49.85333333°E / 40.3725; 49.85333333
Wikimedia Commons: Freedom Square, Baku

Det ligg store fontener på plassen, mellom anna ei musikalsk fontene.

Historie

Plassen var opphavleg kalla opp etter Vladimir Lenin, bygd i 1960- og 1970-åra, etter at Regjeringsbygget i Baku stod ferdig i 1952 og eit monument til Lenin vart reist føre det i 1955. I lag med plassen har styresmaktene i Baku reist fleire bygg kring plassen, som hotella Azerbaijan og Absheron. Leninmonumentet, laga av D.M. Garjaghdi, vart rive ned tidleg i 1990-åra etter at Aserbajdsjan fekk sjølvstendet sitt og etter Svart januar-tragedien. Plassen fekk i 1991 òg namnet Azadliqplassen (Fridomsplassen) etter at Sovjetunionen kollapsa. I 2006 gav regjeringa midlar til renovering av Regjeringsbygget og området kring Azadliqplassen. Arbeidet pågjekk til 2010.

Byggverk

• Regjeringsbygget
• Baku Bulvar, langs Neftchiler aveny

Hendingar

Plassen var åstad for protestar frå tusenvis av aserbajdsjanarar mot den urettferdige politikken til kommunistregimet og demonstrasjonar mot valden mot aserbajdsjanarar i Karabakh sidan 1988. Hendingane førte seinare til erklæringa sjølvstendet den 17. november 1989. Etter Svart januar-massakren av sivile innbyggjarar i Baku den 20. januar 1990, møtte om lag to millionar menneske opp på Azadliqplassen for å samlast og sørgje. Frå her tok dei dei falne i massakren til gravstaden ved Martyralleen i øvre Baku.

Sjå òg

• Svart januar
• Neftchiler aveny

Kjelder

• Denne artikkelen bygger på «Azadliq Square, Baku» frå Wikipedia på engelsk, den 17. april 2012.
  • Wikipedia på engelsk oppgav desse kjeldene: