Bío-Bío-elva
Bío-Bío-elva (òg skriven Biobío og Bio Bio) er den nest største elva i Chile. Ho har kjelder i innsjøane Icalma og Gualletué i Araucanía-regionen i Andes og flyt ca. 380 kilometer mot nordvest gjennom Biobío-regionen før ho endar i Stillehavet ved Concepción. Frå midten av 1500-talet til 1880-talet var Bío-Bío grenselva mellom det spanskstyrte Chile og det sjølvstyrte mapucheterritoriet. Territoriet sør om elva vart ikkje tatt inn i Chile før etter felttoget mot mapuche, kalla pasifiseringa av Araucania.
| Bío-Bío-elva | |||
| elv | |||
 | |||
| Land |  Chile
| ||
|---|---|---|---|
 Biobío-elva 36°49′10″S 73°09′52″W / 36.8194°S 73.1644°W | |||
 Kart over elvebassenget.
| |||
| Wikimedia Commons: Bío-Bío River | |||
Tidleg på 1980-talet vart elva kjend på nytt som ei av verdas beste elver for rafting med høve til turar som varer i sju dagar gjennom nokre av dei chilenske villmarksområda. Delar av dette gjekk tapt med den kontroversielle konstruksjonen av Pangue-dammen som også førte til tvangsflytting av urfolket i området, picunche.
Kjelder
endre- Denne artikkelen bygger på «Bío-Bío River» frå Wikipedia på engelsk, den 28. januar 2007.
