Araucanía-regionen

Araucanía (spansk: Región de La Araucanía) er ein av Chiles 16 førsteordens administrative inndelingar, og omfattar to provinsar: Malleco i nord og Cautín i sør. Temuco er hovudstad og største byen i regionen. Andre vektige byar inkluderer Angol og Villarrica.

Araucanía
delstat
Flagg
Symbol
Land  Chile
Hovudstad Temuco
Areal 31 842 km²
Type Region
Folketal 938 626
Folketettleik 1,1 / km²
Kart
Araucanía-regionen
38°54′00″S 72°40′00″W / 38.9°S 72.666666666667°W / -38.9; -72.666666666667
Wikimedia Commons: Araucanía Region

Dette geografiske området vart ikkje innlemma i Chile før på 1880-talet, då Chile okkuperte området med både militære og politiske middel for å få slutt på motstanden frå urfolksgruppa mapuche. Dette opna området for chilensk og europeisk immigrasjon og busetjing.

I perioden 1900–1930 voks folkesetnaden i Araucanía monaleg, det same gjorde økonomien trass i lågkonjunkturar som ramma resten av Chile. Araucanía vart eit av dei viktigaste landbruksdistrikta i Chile. Den administrative Araucanía-regionen vart etablert i 1974, i det som var kjernen i den større historiske regionen Araucanía.

I det 21. hundreåret er Araucanía den fattigaste regionen i landet målt i BNP per innbyggjar.[1] Omtrent ein tredel av befolkninga til regionen er etnisk mapuche, den høgaste andelen av ein chilensk region.[2] Araucanía-regionen har vore sentrum for konfrontasjonane til den pågåande Mapuche-konflikten, ettersom mapuche har pressa landskrava sine mot sentralregjeringa.

Natur endre

Opphavleg skog, med bøketreartane coigüe og raulí, og laurbærtrearten tepa, og dessutan sypresstre, kryssar regionen i alle retningar. Det majestetiske skjelgran, også kjent lokalt som pehuén, ruvar over dei andre trea. Frukta - piñónen, ein type pinjekjernar - er framleis ein hovudrett for urfolket pehuenches.

Ein stor del av denne naturrikdommen er verna i ulike nasjonalparkar (Nahuelbuta, Tolhuaca, Conguillío, Villarrica og Huerquehue nasjonalparkar), eller nasjonale reservat (Malalcahuello, Las Nalcas og Alto Biobío).

Kjelder endre

Referansar
  1. Central Bank of Chile ("Chile's 2008 Regional GDP and 2008 National GDP in 2008 prices" Arkivert 2012-06-20 ved Wayback Machine.), accessed on 1. januar 2023. National Statistics Office of Chile (Chile's 2008 national and regional population Arkivert March 7, 2012, ved Wayback Machine.), accessed on 1. januar 2023. World Bank's World Development Indicators (Chile's 2008 PPP conversion factor for GDP (365.2709), 2008 GDP (PPP) per capita for world countries), accessed on 1. januar 2023.
  2. Casen Survey 2011 Arkivert 2013-09-28 ved Wayback Machine., Ministry of Social Development of Chile.

Bakgrunnsstoff endre

  Commons har multimedium som gjeld: Araucanía-regionen