Barokktrompet

Barokktrompet eller clarino er ein type lang trompet utan ventilar. Han blei brukt frå 1500- til 1700-talet, under barokken, og i dag til å spela musikk frå denne tida. Dagens barokktrompet kan vera ein naturtrompet, eller han kan ha fingerhòl.

Reproduksjon av barokktrompet

Reproduksjon av barokktrompet etter Johann Leonhard Ehe III frå Nürnberg, 1700,

På barokktrompeten kunne ein berre spela ein overtoneserie. Ettersom overtonane kjem tettare jo høgare oppe i registeret ein speler, får ein nok tonar til å skapa melodiar om ein hell seg i det øvste registeret. Det er svært fysisk anstrengande å spela barokktrompet. I dag bruker ein gjerne trompetar med ekstra fingerhòl, eller speler musikk skriven for han på ein moderne trompet med ventilar.

Tyske Friedemann Immer er ein kjend utøvar av barokktrompet i moderne tid. I Noreg er Kristin Hetland ein prisbelønt utøvar av barokktrompet. Oslo musikk- og kulturskole gjev opplæring i barokktrompetspel i Noreg.

Kjelder

• Denne artikkelen bygger på «Barocktrumpet» frå Wikipedia på svensk, den 29. april 2010.
• Barokktrompet ensemble ved Oslo musikk- og kulturskole
• Intervju med Kristin Hetland Arkivert 2006-10-03 ved Wayback Machine.