Benjamin West

Benjamin West (10. oktober 1738–11. mars 1820) var ein amerikansk-britisk målar, nærast sjølvlært.

Benjamin West
Fødd	10. oktober 1738 Springfield Township
Død	11. mars 1820 (81 år) London
Yrke	kunstmålar, bygningstegner
Benjamin West på Commons

Benjamin West: General Wolfes død, 1770

West var frå Springfield i Pennsylvania. Han oppheldt seg i Italia i 1760–1763, der han mottok impulsar frå Anton Raphael Mengs. I 1763 slo han seg ned i London som portrettmålar og var i 1768 medstiftar av Royal Academy of Arts. Då Joshua Reynolds døydde i 1792 vart han president for akademiet, ein posisjon han hadde til 1815.

Frå 1769 var West nær knytt til kong Georg III og utvikla seg etter kvart til den leiande innan historiemaleriet i England. I 1770 utførte han hovudverket General Wolfes død (Kensington Palace i London), som bana veg for det realistiske historiemaleriet. Dei seinare arbeida hans fekk ein nyklassisistisk karakter.

Kjelder

• «Benjamin_West» i Store norske leksikon, snl.no.