Bergsveinn Birgisson
Bergsveinn Birgisson (fødd 1971) er ein islandsk forfattar og doktor i norrøn filologi.
| Bergsveinn Birgisson | |
 | |
| Statsborgarskap | Island |
| Fødd | 30. august 1971 (52 år) Reykjavík |
| Yrke | skribent, lyrikar, filolog, litteraturhistorikar, folklorist, omsetjar |
| Bergsveinn Birgisson på Commons | |
Han er utdanna som norrønfilolog frå Háskóli Íslands, Universitetet i Oslo og Universitetet i Bergen, og tok dr.art.-graden ved UiB med ei avhandling om skaldediktinga.
I 2012 vart han nominert til Nordisk råds litteraturpris for romanen Svar við bréfi Helgu. Boka er omsett til norsk av Johannes Gjerdåker og utgjeven som Svar på brev frå Helga på Pelikanen forlag. I 2013 vart han nominert til Brageprisen for Den svarte vikingen (Spartacus), som er skriven på norsk (bokmål). I oktober 2015 gav han ut Geirmundar saga Heljarskinns på Island. Det er ein roman om stamfaren Geirmund Heljarskinn, som han skreiv faglitterært om i Den svarte vikingen. Bergsveinn har òg omsett nokre dikt av Olav H. Hauge til islandsk.
Bergsveinn Birgisson bur i Bergen.
Bøker endre
- 1992 - Íslendingurinn, diktsamling
- 1997 - Innrás liljanna, diktsamling
- 2003 - Landslag er aldrei asnalegt, roman – omsett til nynorsk av Margunn Rauset: Soga om vêret (2014)
- 2009 - Handbók um hugarfar kúa – skáldfræðisaga, roman ('Handbok om mentaliteten til kyr – ei science fiction-soge')
- 2010 - Svar við bréfi Helgu, roman – omsett til nynorsk av Johannes Gjerdåker: Svar på brev frå Helga (2012)
- 2011 - Drauganet, diktsamling
- 2013 - Den svarte vikingen, sakprosa på bokmål – omsett til islandsk av Bergsveinn sjølv og Eva Hauksdóttir: Leitin að svarta víkingnum (2016)
- 2015 - Geirmundar saga Heljarskinns – omsett til nynorsk av Jan Ragnar Hagland: Soga om Geirmund Heljarskinn (2016)
- 2018 - Lifandilífslækur – omsett til bokmål av Oskar Vistdal: Reisen til livsvannet (2020)
- 2020 - Mannen fra middelalderen, sakprosa på bokmål
- 2021 - Kolbeinsey, roman – utgåve på bokmål: Kolbeinsøy (2021)
Bakgrunnsstoff endre
- Om Bergsveinn Birgisson hjå bokmenntaborgin.is
- Inn i skaldens sinn, doktorgradsavhandlinga til Bergsveinn
- Om doktorgradsavhandlinga Inn i skaldens sinn
- Om Bergsveinn Birgisson på nettstaden til Nordisk råd