Betina Riegelhuth
Betina Riegelhuth (fødd 17. juni 1987) er ein norsk handballspelar frå Ski i Akershus. Ho vart europameister i 2014 og verdsmeister i 2015. Linn-Kristin Riegelhuth er hennar eldre syster.
| Betina Riegelhuth | |
 | |
| Statsborgarskap | Noreg |
| Fødd | 17. juni 1987 (37 år) Ski kommune |
| Yrke | handballspelar |
| Høgd | 1,84 meter |
Riegelhuth spelte på oslolaga Njård IL 2003-06 og Bækkelaget SK 2006-08. Frå hausten 2008 har ho spelt på Hamar-laget Storhamar i norsk eliteserie, med unnatak for sesongen 2015/16, då ho var med å vinne denne dansk toppserien i handball for kvinner med Esbjerg.
Riegelhuth fekk ein einsleg landskamp sommaren 2010, landskamp nummer to kom våren 2013. Ho meisterskapsdebuterte i Handball-EM 2014, der ho skåra to mål i finalen og vann EM-gull. Eitt år seinare vann ho VM-gull, ein meisterskap ho fekk heller lite speletid. Ho skåra sitt 52. landslagsmål då ho 20. mars 2016 spelte sin 53. og siste landskamp.