Bielas komet
Bielas komet var ein komet med ei omløpstid på 6,6 år. Han vart oppdaga av den tyske kapteinen Wilhelm von Biela (1782–1856) i 1826. Bielas komet er det mest kjende dømet på øydelegginga av ein komet. Før 1846 var han heilt normal, men dette året delte kjernen seg i to, og brotstykka fjerna seg raskt frå kvarandre. Då dei vart sett neste gongen, var avstanden mellom dei auka til 2,5 mill. km. Seinare er han ikkje observert, men i staden viste det seg ein sterk meteorsverm (Bielidane eller Andromedidane) då jorda kom nær den tidlegare banen (særleg intens i 1872 og 1885). Kometkjernen hadde altså oppløyst seg i ein sverm av meteorittar. Planetperturbasjonar har no endra banen til svermen og han blir ikkje lenger observert.
 Bielas komet i februar 1846 etter han var delt i to | |
| Oppdaging | |
|---|---|
| Oppdaga av: | Wilhelm von Biela |
| Oppdaga dato | 27. februar 1826 |
| Alternative namn: | 1772; 1806 I; 1832 III; 1846 II; 1852 III; 1826 D1 |
| BaneelementA | |
| Epoke | 29. september 1852 [1] |
| Aphel (Q) | 6.190 AU |
| Perihel (q) | 0.8606 AU |
| Store halvakse (a) | 3.5253 AU |
| Eksentrisitet (e) | 0.7559 |
| Omløpsperiode (P) | 6.619 a |
| Førre perihel | 24. september 1852 |
| Neste perihel | Oppløyst i 1852 |
Kjelder endre
- Bielas Komet. (14. februar 2009). I Store norske leksikon. Henta 21. mars 2015 frå https://snl.no/Bielas_komet.