Bir Zeit
Birzeit (arabisk بيرزيت), òg Bir Zeit, er ein palestinsk by nord for Ramallah sentralt på Vestbreidda. Folketalet i 2007 var 4 529.[2] Birzeit er ein hovudsakleg kristen by og her ligg Birzeit universitet.
| Birzeit | |||
| بيرزيت | |||
| kommune | |||
 | |||
| Namneopphav: Olivenoljebrunnen[1] | |||
| Land |  Dei palestinske territoria
| ||
|---|---|---|---|
| Guvernement | Ramallah og al-Bireh guvernement | ||
| Koordinatar | 31°58′20″N 35°11′44″E / 31.97222°N 35.19556°E | ||
| Areal | 14,0 km² | ||
| Folketal | 4 529 (2006) | ||
| Folketettleik | 324 / km² | ||
| Borgarmeister | Hassib Kaileh | ||
 Bir Zeit 31°58′20″N 35°11′44″E / 31.972222222222°N 35.195555555556°E | |||
  | |||
| Wikimedia Commons: Birzeit | |||
Historie endre
Birzeit er datert attende til bysantinsk tid og tidlegare.[3]
Landsbyen vart ein del av Det osmanske riket i 1517 i lag med resten av Palestina, og i 1596 stod han oppført i skattelister under namnet Bir Zayt, som ein del av Jabal Quds nahiya i Quds liwa. Han hadde eit folketal på 26 hushaldningar, alle muslimar. Innbyggjarane i landsbyen betalte skatt for kveite, bygg, oliventre, vindruer, frukttre, og geiter og/eller bikubar.[4]
Den franske oppdagaren Victor Guérin vitja landsbyen i juli 1863. Han estimerte eit folketal på 1 800 innbyggjarar, av dei var 140 latinske katolikkar, medan dei andre var «skismatiske grekarar» og muslimar. Det katolske soknet vart styrt av ein ung fransk missjonær, fader Joly. Hagane voks godt og jordsmonnet var naturleg frodig. Her var rikt på vindruer, fiken og pærer. Han merka seg òg vakre valnøttre.[5]
I 1882 skildra Palestine Exploration Fund i Survey of Western Palestine Bir Zeit som «ein kristen, mellomstor landsby, med ei gresk kyrkje og ei latinsk kyrkje, ein brunn i nord og oliven i området rundt.» Det raude taket på den latinske kyrkja vart sagt å stå ut i landskapet.[6]
I ei folketeljing i 1922 utført av Dei britiske mandatstyresmaktene hadde hadde landsbyen, kalla Bair Zait, eit folketal på 896; 119 var muslimar og 777 kristne,[7] medan han i folketeljinga i 1931 hadde 251 busette hus og eit samla folketal på 1233; 362 muslimar og 871 kristne.[8]
I 1945 var folketalet 1 560, alle arabarar, medan det samla landarealet var 14 088 mål, i følgje ei offisiell landmåling.[9] Av dette var 6 908 for plantasjar og irrigert land, 2 414 for korn,[10] medan 402 mål var klassifisert som utbygde område.[11]
Kjelder endre
- ↑ Palmer, 1881, s. 227
- ↑ 2007 PCBS Census. Palestinsk statistisk sentralbyrå. s.113.
- ↑ About Birzeit, Holy Land Christian Ecumenical Foundation
- ↑ Hütteroth and Abdulfattah, 1977, s. 116.
- ↑ Guérin, 1869, s. 33-34
- ↑ Conder og Kitchener, 1882, s. 293-294
- ↑ J. B. Barron, red. (1923). Palestine: Report and General Abstracts of the Census of 1922. Government of Palestine. Table VII, Ramallah underdistrikt, s. 16.
- ↑ Mills, 1932, s. 48.
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 64
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 111
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 161
- Denne artikkelen bygger på «Bir Zeit» frå Wikipedia på engelsk, den 22. september 2015.
- Wikipedia på engelsk oppgav desse kjeldene:
- Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund.
- Guérin, Victor (1869). Description Géographique Historique et Archéologique de la Palestine. Vol 1, Judee, pt. 3.
- Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral
- Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft.
- Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine.
- Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund.
- Socin, A. (1879). «Alphabetisches Verzeichniss von Ortschaften des Paschalik Jerusalem». Zeitschrift des Deutschen Palästina-Vereins 2: 135–163.