Brøknipa, òg kjend som Bruviknipa, er det nest høgaste fjellet på Osterøy med ei høgd på 822 meter over havet og ligg på søraustsida av øya. Fjellet ruvar over bygda Bruvik og stig bratt opp frå Sørfjorden. Namnet nipa tyder nettopp framlutande fjelltopp eller berghammar med bratt framside.

Brøknipa
fjell
Bruviknipa sett frå Utegardsnipa.
Land  Noreg
Område Osterøy (Vestland)
Høgd 822 moh.
Primærfaktor 525 m
Lettast tilkomst Til fots
Koordinatar 60°29′03″N 5°39′5″E / 60.48417°N 5.65139°E / 60.48417; 5.65139
Kart
Brøknipa
60°29′03″N 5°39′05″E / 60.4842°N 5.65139°E / 60.4842; 5.65139
Wikimedia Commons: Bruviknipa

Fjellet har ein primærfaktor på 525 meter over havet mot det høgare Høgafjellet, som er det høgaste fjellet på Osterøy med 868 meter over havet. Brøknipa har den 19. høgaste primærfaktoren i Hordaland. Like vest for Brøknipa ligg Utegardsnipa på 770 meter over havet.

Det er eit populært fjell for turgåarar og det går stiar opp frå både Bruvik, Skaftå og toppen av Trollskaret. I tillegg kan ein gå på ski frå Njåstad om vinteren.