Breathe

Breathe Song av Pink Floyd frå albumet The Dark Side of the Moon
Språk	engelsk
Utgjeve	17. mars 1973
Innspelt	Juni 1972 - januar 1973
Sjanger	Progressiv rock
Lengd	2:47
Komponist	David Gilmour, Richard Wright
Tekstforfattar	Roger Waters
Låtskrivar(ar)	David Gilmour, Roger Waters, Richard Wright

«Breathe» er ein song av det britiske bandet Pink Floyd frå albumet deira The Dark Side of the Moon frå 1973.

Komposisjon

Songen har sakte tempo og fyldig struktur med David Gilmour sin slidegitar og vokal over fleire spor med dempa og varm klang. Ein meiner at songen representerer fødsel. Teksten, som er skriven av Roger Waters, bed lyttaren om å ta ein pause i det tilsynelatande endelause arbeidslivet og leggje merke til meir meiningsfulle syslar i livet.

Long you live and high you fly
And smiles you'll give and tears you'll cry
And all you touch and all you see
Is all your life will ever be.

Roger Waters (1973)

Songen startar direkte frå «Speak to Me», og på enkelte utgåver av albumet er begge desse første spor på plata. Derfor vert dei ofte spelte i lag på radio.

Breathe (Reprise)

Ein reprise av songen kjem etter «Time» på albumet. Han er på same spor som «Time», og vert derfor ofte oversett som ein del av plata. Reprisen er meir eller mindre identisk til første versjonen, men med eit tredje vers. I tillegg er han ikkje like «rundt i kantane», som «Breathe».

Andre versjonar

• Songen vart spelt på Live 8-konserten og her vart «Breathe» og «Breathe (Reprise)» kombinert til ein song, noko Pink Floyd aldri har gjort før.
• På Roger Waters si soloplate In the Flesh: Live er songen sungen av Doyle Bramhall og Jon Carin.

Medverkande

• David Gilmour – elektrisk gitar, fleirspora pedalsteelgitar, solo- og korvokal
• Roger Waters – bassgitar
• Richard Wright – Hammondorgel, Fender Rhodes elektrisk piano
• Nick Mason – trommer

Kjelder

• Denne artikkelen bygger på «Breathe (Pink Floyd song)» frå Wikipedia på engelsk, den 29. juni 2019.
  • Wikipedia på engelsk oppgav desse kjeldene: