Calbuco
Calbuco er ein stratovulkan sør i Chile, som ligg søraust for Llanquihuesjøen og nordvest for Chaposjøen i Los Lagos-regionen. Vulkanen og det kringliggande området ligg i Llanquihue nasjonalreservat. Vulkanen er ein særs eksplosiv andesittvulkan som kollapsa seint i pleistocen og skapte eit ras som nådde innsjøen.
| Calbuco | |||
| vulkan | |||
 Calbuco frå nord langs veg 225 ved breidda av Llanquihuesjøen. (11. feb. 2010)
| |||
| Land |  Chile
| ||
|---|---|---|---|
| Region | Los Lagos | ||
| Del av | vulkan | ||
| Fjellkjede | Andes | ||
| Høgd | 2 015 moh. | ||
| Primærfaktor | 1 946 m | ||
| Koordinatar | 41°19′48″S 72°37′06″W / 41.33000°S 72.61833°W | ||
| Geologi | Pleistocen | ||
| Vulkantype | Stratovulkan | ||
| Siste utbrot | 1972 | ||
 Calbuco 41°19′58″S 72°36′40″W / 41.332777777778°S 72.611111111111°W | |||
| Wikimedia Commons: Calbuco Volcano | |||
Vulkanaktivitet
endreCalbuco har hatt minst ni utbrot sidan 1837 og det siste kom i 1972. Eit av dei største vulkanutbrota i sørlege Chile fann stad her i 1893–1894. Kraftige utbrot sende 30 cm store bomber ut opp til 8 km unna krateret, i lag med store mengder varme laharar. Kraftige eksplosjonar skjedde i april 1917 og ein lavadom oppstod i krateret i lag med varme laharar. Eit anna kort utbrot fann stad i januar 1929 med ein pyroklastisk straum og lavastraumar. Det siste store utbrotet skjedde i 1961 og sende ei oskesøyle 12–15 km opp i lufta og spreidde seg søraustover i lag med to lavastraumar. Det var eit lite, fire timar langt utbrot den 26. august 1972. Kraftige fumaroler vart sett ved hovudkrateret den 12. august 1996.
Galleri
endre-
Calbuco frå nord langs veg 225 ved breidda av Llanquihuesjøen. (2010) -
Frå vulkanen Osorno (2006)
Kjelder
endre- Denne artikkelen bygger på «Calbuco (volcano)» frå Wikipedia på engelsk, den 8. januar 2014.
- Wikipedia på engelsk oppgav desse kjeldene:
- González-Ferrán, Oscar (1995). Volcanes de Chile. Santiago, Chile: Instituto Geográfico Militar. s. 640 pp. ISBN 956-202-054-1. (in Spanish; also includes volcanoes of Argentina, Bolivia, and Peru)
- «Calbuco». Global Volcanism Program, Smithsonian Institution. http://www.volcano.si.edu/world/volcano.cfm?vnum=1508-02=.
- Biggar, John (2005). The Andes: A Guide for Climbers (3rd ed.). Andes Publishing (Scotland). s. 304 pp. ISBN 0-9536087-2-7.