Camille Jordan

Marie Ennemond Camille Jordan (5. januar 1838–22. januar 1922) var ein fransk matematikar, kjend for det grunnleggande arbeidet sitt innan gruppeteori og for verket Cours d'analyse.

Camille Jordan
Fødd	5. januar 1838 Lyon
Død	22. januar 1922 Paris
Nasjonalitet	Fransk
Område	gruppeteori, matematikk, lineær algebra, målteori
Yrke	Matematikar
Institusjonar	Collège de France École polytechnique
Alma mater	École polytechnique École nationale supérieure des mines de Paris
Doktorgradsrettleiar	Victor Puiseux Joseph-Alfred Serret
Barn	Édouard Jordan
Medlem	Royal Society Vitskapsakademiet i St. Petersburg Det franske vitskapsakademiet Det russiske vitskapsakademiet Accademia Nazionale delle Scienze detta dei XL London Mathematical Society Göttingens vitenskapsakademi National Academy of Sciences Accademia delle Scienze di Torino

Han var professor ved Collège de France og École polytechnique frå 1876 til 1912. Hovudverket til Jordan er Traité des substitutions et des équations algébriques som kom ut i 1870. Her finn ein for første gong ei systematisk framstilling av gruppeteorien og korleis ein nyttar dette på den abel-galoiske likningsteorien. Dette arbeidet har vore grunnleggande for den seinare utviklinga av gruppeteorien. Innan gruppeteorien er namnet til Jordan særleg knytt til Jordan–Höldersk-satsen, som omhandlar dei såkalla komposisjonsrekkene i ei gruppe. Satsen til Jordan om kurvar som deler planter er særleg viktig innan topologien.

Jordan var i fleire år redaktør for Journal des mathématiques. Cours d'analyse, som kom ut i fleire utgåver, var i mange år den viktigaste læreboka i funksjonteori. Jordan vart æresdoktor ved Universitetet i Oslo ved Abelfesten i 1902.

Kjelder

«Camille_Jordan» i Store norske leksikon, snl.no.