Carl Anton Larsen

Carl Anton Larsen (7. august 1860–8. desember 1924) var ein norsk kvalfangar, sørhavsfarar og oppdagar frå Østre Halsen utanfor Larvik.

Carl Anton Larsen
Fødd	7. august 1860 Larvik
Død	8. desember 1924 (64 år) Rosshavet
Yrke	oppdagar, kvalfangar
Carl Anton Larsen på Commons

Grytviken i 1914

Larsen grunnla Grytviken på Sør-Georgia den 16. november 1904 som ein kvalfangststasjon for selskapet sitt Compañía Argentina de Pesca (Argentinas fiskekompani). Selskapet vart ein stor økonomisk suksess i starten, men vart nedlagd i 1966 på grunn av at det var lite kval att.

Antarktis

Larsen oppdaga i tida 1892—1894 øyar og landområde i Antarktis og var kaptein på båten «Antartic» på Otto Nordenskiöld sin forskingsekspedisjon til Antarktis. Der overvintra Nordenskiöld saman med sine fire forskarar på øya Snow Hill Island.

Larsenisen i det nordvestlege Weddellhavet, like ved austkysten av Antarktishalvøya er oppkalla etter Carl A. Larsen. Han sigla langs denne kysten i 1893. Området er 86 000 km², unnateke ein del øyar som er dekte av isen. Han har òg fått Larsen Nunatak kalla opp etter seg.

Kjelder

• Etableringen i Grytviken på http://www.hvalfangstmuseet.no
• Sout Georgia News Arkivert 2005-12-21 ved Wayback Machine. på http://www.jamescairdsociety.com
• Grytviken Centenary Arkivert 2008-08-21 ved Wayback Machine., South Georgia Philatelic Society, Desember 2004
• ANTARCTIC QUEST Arkivert 2011-07-13 ved Wayback Machine.
• The whaling stations of Grytviken, Leith Harbour, and Stromness Harbour Arkivert 2009-05-18 ved Wayback Machine.
• Fødsels- og dødsdato frå NBL-artikkel om Larsen, skriven av Bjørn L. Basberg.