Cribinau

Cribinau er ei lita tidvassøy utanfor sørvestkysten av øya Anglesey i Wales mellom Porth China og Porth Cwyfan. Den næraste landsbyen er Aberffraw. Øya, som ein kan nå til fots ved lågvatn, er kjend for St. Cwyfan-kyrkja på toppen av øya frå 1200-talet. Kyrkja vert lokalt kalla eglwys bach y mor («kyrkja i havet») eller berre Cwyfan. Kyrkja er i bruk og er ein populær stad for dåp og bryllaup.

Cribinau og kyrkja i havet

På kart frå 1600-talet kan ein sjå at kyrkja står på fastlandet til Anglesey, men erosjon frå sjøen har sidan gjort kyrkja om til ei øy. For å hindre at kyrkja fell i sjøen, er det bygt ein mur rundt kyrkja.

Bakgrunnsstoff

• Historiske landsmerke i Aberffraw Arkivert 2001-02-23 ved Wayback Machine.

Kjelder

• Denne artikkelen bygger på «Cribinau» frå Wikipedia på engelsk, den 25. mars 2010.