Cupfinalen i fotball 1982/Menn
Cupfinalen i fotball 1982 var den 75. finalen i rekka av norske meisterskap i fotball for menn. Finalekampen vart spelt 24. oktober 1982 på Ullevaal stadion i Oslo framfor 24 000 tilskodarar. Sportsklubben Brann frå Bergen vart norsk meister i fotball for femte gong, seks år etter den forrige finaletriumfen. Laget frå Bergen vann 3–2 over finaledebutant Molde Fotballklubb. Torbjørn Aass frå Sportsklubben Brage dømde finalen.
Kampen
endreI det 17. minutt tok Branns Geir Austvik imot eit innlegg inne i straffefeltet, tverrvende og plasserte skotet lågt nede i næraste hjørnet. Fire minutt seinare tok Jan Berg seg ned mot dødlinja før han sentra inn til Rune Ulvestad, som frå fire meter sette ballen i det tom Brann-målburet. I det 37. minutt dribla Stein Olav Hestad seg forbi ein Brann-forsvarar og sende frå dødlinja eit langt innlegg som Steinar Henden stanga i mål frå 6-7 meter. Fem minutt seinare utlikna Branns Ingvar Dalhaug til 2–2, etter litt kaos innom femmeteren til Molde, såvidt fekk hovudet på ballen som rulla over streken nede i hjørnet. Etter meir klabb og babb i Molde-forsvaret, avgjorde skotske Neil McLeod kampen då han i det 58. minutt fekk skyte midt i målet frå 6-7 meter. Innbytaren Øystein Pettersen vart utvist tre minutt før dommaren bles av kampen.
Laga
endreBrann stilte med: Stein Norstad, Hans Brandtun, Bjørn Erik Brandt, Tore Strand, Asgeir Kleppa, Geir Austvik, Kjell Rune Pedersen, Arne Møller, Neil McLeod Ingvar Dalhaug, Finn Krogh. Øystein Pettersen tok plassen til Dalhaug i det 64. minutt, medan Pedersen måtte vike for Terje Rolland i det 83. minutt.
For Molde spelte: Inge Bratteteig, Tor M. Hagbø, Bertil Stranden, Ulrich Møller, Per Arne Aase, Geir Malmedal, Rune Ulvestad, Ivar Helge Mittet, Stein Olav Hestad, Jan Berg og Steinar Henden.