Cupvinnarcupfinalen i fotball 1967

Cupvinnarcupfinalen i fotball 1967 fann stad på Bystadion i Nürnberg i dåverande Vest-Tyskland den 31. mai 1967, framfor 69 480 tilskodarar. Etter ekstraomgangar sikra vesttyske Bayern München seg meisterpokalen med siger 1-0 over Rangers FC frå Glasgow. Finalen var den 7. i sitt slag og det var andre gongen det skotske tapte ein cupvinnarcupfinale.

Kampen

I ein sjansefattig kamp makta ingen av laga å skåre i ordinær tid. Fyrst då Bayerns midtbanespelar Franz Roth lobba over Rangers-målvakta i det 109. minutt vart det nettsus. Og fleire mål kom ikkje.

Concetto Lo Bello frå Italia dømde kampen.

Laga

Bayern München sitt vinnarlag bestod av: Sepp Maier, Hans Nowak, Werner Olk (kaptein), Franz Beckenbauer, Peter Kupferschmidt, Franz Roth, Dieter Koulmann, Rudolf Nafziger, Rainer Ohlhauser, Gerd Müller og Dieter Brenninger.

Rangers FC mønstra fylgjande mannskap: Norrie Martin, Kai Johansen, Ronnie McKinnon, John Greig (kaptein), David Provan, Sandy Jardine, Dave Smith, Willie Henderson, Roger Hynd, Alex Smith og Willie Johnston.

Kjelder

Denne artikkelen bygger på «1967 European Cup Winners' Cup Final» frå Wikipedia på engelsk, den 7. mai 2018.