Dalby

For kjende personar med etternamnet Dalby, sjå familienamnet Dalby

Heilage kross-kyrkja i Dalby

Dalby er ein landsby i Lunds kommun i Skåne län i Sverige, omtrent ti kilometer aust-søraust for Lund, og omtrent 20 kilometer aust-nordaust for Malmö. Innbyggjartalet var 5 517 i 2005.

Landsbyen har ei av dei eldste (kan hende den eldste) steinkyrkjene i Skandinavia, Dalby kyrka, og var i den tidlegaste kristne tida eit religøst sentrum og bispesete, før Lund tok over.

På tusentalet kan Dalby ha vore ein konkurrent til Uppåkra og Lund som eit maktsentrum i sørvestre Skåne, som i mellomalderen var ein lut av Danmark. I 1060 byrja den danske kongen Svend Estridsen å skipe eit religiøst senter i Dalby, og bygde ein kongebustad her. Skipet i den noverande steinkyrkja er frå same tid. Svend Estridsen blei seinare gravlagd i Dalby. Frå 1060 var Dalby bispedøme under biskop Egino, men så tidleg som i 1066 blei bispedømet flytta til Lund.

Den svenske kontrabassisten Dan Styffe er fødd i Dalby.

Kjelder

• Denne artikkelen byggjer på melllom anna «Dalby» frå Wikipedia på bokmål, den 30. juni 2012.

Bakgrunnsstoff

Wikimedia Commons har multimedia som gjeld: Dalby