Daman
Daman er hovudstaden i det indiske unionsterritoriet Dadra og Nagar Haveli og Daman og Diu, og administrasjonsby for Daman-distriktet. Folketalet i byen var 44 282 ved folketeljinga i 2011.[1]
| Daman | |||
| portugisisk Damão | |||
| by | |||
 | |||
| Land |  India
| ||
|---|---|---|---|
| Region | Daman og Diu | ||
| Distrikt | Daman-distriktet | ||
| Folketal | 44 282 (2011[1]) | ||
 Daman 20°25′01″N 72°50′02″E / 20.416938888889°N 72.834022222222°E | |||
| Wikimedia Commons: Daman, India | |||
Byen ligg ved kysten ved munningen av Damanganga-elva. Elva delar byen i to, Nani-daman ('vesle Daman') og Moti-daman ('store Daman'). Ironisk nok er Nani-daman den største delen med store bustadområde, supermarknader og sjukehus. Moti-daman utgjer gamlebyen.
Historie
endrePortuguisiske utforskarar leia av Diogo de Melo kom tilfeldigvis til området i 1523, etter at ein storm hadde blese dei av kurs medan dei sigla mot Ormuz.[2] Staden blei folkesett som ein portugisisk koloni, og blei verande slik i over 400 år. På 1500-talet blei det reist ein større festning i Motidaman til vern mot Mogulriket. Mykje av festninga står framleis, og huser mykje av dei lokale styresmaktene.
I 1961 blei Daman teke med i India saman med dei andre portugisiske områda etter eit slag mellom indiske og portugisiske styrkar. Under kampane blei 4 indarar og 10 portugisarar drepne.[3][4] Daman blei ikkje del av den nye delstaten Goa, men danna eit nytt forbundsterritorium med kringliggjande landsbyar og Diu.
Turisme
endreDaman er eit populært turistmål, mellom anna fordi området tillèt sal av alkohol medan nabostaten Gujarat er tørrlagd. Dei fleste besøkande kjem frå område i nærleiken som Vapi, Bhilad, Valsad, Surat og Baroda. Staden har to kjende strender, Devka i Nani-daman og Jampore i Moti-daman.
Kjelder
endre- ↑ 1,0 1,1 Office of The Registrar General & Census Commissioner, India; Census Digital Library, Table Series/Tabulations Plan of Census Year – 2011/Primary Census Abstract/Urban Agglomeration Henta 17. juli 2014.
- ↑ Singh, Kumar Suresh (1995). Daman and Diu. People of India XIX. Popular Prakashan. s. 3. Henta 18. desember 2010.
- ↑ Anil Shorey (21 February 1999). «The Forgotten Battles of Daman and Diu». The Tribune. Henta 18 December 2010.
- ↑ Chakravorty, Dr. B.C. (2008). «Operation Vijay» Arkivert 2014-03-31 ved Wayback Machine.. Bharat Rakshak. Henta 18.12.2010.
- Denne artikkelen bygger på «Daman» frå Wikipedia på svensk, og «Daman, Daman and Diu» frå Wikipedia på engelsk den 15. februar 2015.