Darent

Darent er ei sideelv til Themsen som renn i Kent i England. Namnet trur ein kjem frå eit keltisk ord som tyder «elva der det veks eiketre».

Darent
elv
Darent (til venstre) og Cray (til høgre) renn saman ved Dartford
Land	England
Lengd	34 km
Kjelde	Åsane sør for Westerham 51°14′53″N 0°04′26″E
Munning	River Thames 51°28′48″N 0°13′12″E
Darent 51.4799°N 0.220133°E / 51.4799; 0.220133
Wikimedia Commons: River Darent

Ho har utspringet sitt ved Sevenoaks, renn så nordover forbi Otford, Shoreham, Lullingstone ved slottet og ruinane av ein romersk villa, Eynsford, Farningham, Horton Kirby, South Darenth, Sutton at Hone, Darenth og Dartford. Sistnemnde byen var som namnet indikerer («ford» tyder 'vadestad') ein stad der vegen frå London til kysten kryssa elva. Det er dokumentert at denne vadestaden var i drift alt i romersk tid. Ei ferjeteneste vart oppretta av ein einebuar i 1235, og var i drift til 1518, lenge etter at den første brua var bygd under Henrik IV (1399–1413). Denne gangbrua stod heilt til midten av 1700-talet.

Nord for Dartford renn elva Cray inn i Darent frå vestsida. Darent renn så vidare gjennom Dartfordmyrene og Crayfordmyrene, og inn i Themsen ved Crayford Ness. Lengda frå utspring til Crayford Ness er 34 km.

I 1989 innsåg ein at vassføringa hadde minka kraftig, noko som gjekk ut over dyre- og fuglelivet i området. Mykje arbeid har vorte lagt i å rette opp dette, blant anna stenginga av fleire borehol langs elva som førte til stor avrenning. I 2004 vart ein skulptur reist i takksemd til dei som har arbeidt for å redde elva; han viser nokre av artane som har fått nye høve langs elva.

Kjelder

• Denne artikkelen bygger på «Darent» frå Wikipedia på bokmål, den 6. juli 2011.