Dayron Robles
Dayron Robles (fødd 19. november 1986) er ein cubansk hekkeløpar. Den 12. juni 2008 sette han verdsrekord på 110 meter hekk med 12,87 sekund på eit stemne i Ostrava i Tsjekkia
| Dayron Robles | |
|
| |
| Statsborgarskap | Cuba |
| Fødd | 19. november 1986 (37 år) Guantánamo |
| Idrett | friidrett |
| Tok del i | Friidrett under Sommar-OL 2008, Friidrett under Sommar-OL 2012, Friidrett under Sommar-OL 2016 |
Robles vart fødd i Guantánamo. I innandørsverdsmeisterskapen i friidrett i Moskva i 2006 kom han på andreplass på 60 meter hekk med personleg rekord på 7,46 sekund, ei tid han sidan har forbetra til 7,33 sekund. Han er dermed den nest raskaste nokon sinne innandørs, etter Colin Jackson. Under innandørsverdsmeisterskapen i 2008 i Valencia kom han ikkje til finalen på 60 meter hekk, grunna ein personleg feil. Robles hadde vore favoritt til å vinna meisterskapen. Robles vann gullmedalje under sommar-OL 2008 i Beijing på 110 meter hekk med tida 12.93.
Merittliste (27. juli 2008)
endre| År | Turnering | Stad | Resultat | Distanse |
|---|---|---|---|---|
| 2003 | Ungdomsverdsmeisterskap | Sherbrooke, Canada | 6. | 110 m hekk |
| 2004 | Juniorverdsmeisterskap | Grosseto, Italia | 2. | 110 m hekk |
| 2005 | Sentralamerikansk og karibisk meisterskap | Nassau, Bahamas | 2. | 110 m hekk |
| 2006 | Innandørsverdsmeisterskap | Moskva, Russland | 2. | 60 m hekk, 7,46 s pers |
| 2006 | Sentralamerikanske og karibiske leikar | Cartagena, Colombia | 1. | 110 m hekk, 13,12 s |
| 2007 | Panamerikanske leikar | Rio de Janeiro, Brasil | 1. | 110 m hekk, 13,25 s |
| 2007 | Verdsmeisterskapen i friidrett | Osaka, Japan | 4. | 110 m hekk, 13,15 s |
| 2007 | IAAF friidrettsfinale | Stuttgart, Tyskland | 1. | 110 m hurdles, 12,92 s |
| 2008 | 2008 Golden Spike | Ostrava, Tsjekkia | 1. | 110 m hekk, 12,87 s verdsrekord |