deLillos
deLillos er ei rockegruppe som blei skipa i Oslo i 1984. Gruppa blir rekna som eit av dei mest markante i norsk musikkliv frå 1980-talet og fram til i dag. Saman med Raga Rockers, DumDum Boys og Jokke og Valentinerne blir deLillos referert til som ei av dei fire store norske rockegruppene frå den nemnte perioden.
Historia
endreNamnet deLillos kom etter forslag frå Ola Snortheim, som frontfigur Lars-Lillo Stenberg hadde spelt inn ein demotape saman med i 1983. deLillos kan fyrst og fremst kjenneteiknast gjennom tekstane og den karakteristiske stemma til frontfiguren Lars Lillo-Stenberg. Dei norskspråklege tekstane er skrivne i ei naivistisk form, noko ein kan sjå i sentrale songar som « Min beibi dro avsted» og «Tøff i pyjamas», begge henta frå debutalbumet «Suser avgårde». Dette albumet frå 1986 blir saman med «Hjernen er alene» frå 1989 og «Neste sommer» frå 1993 rekna som dei viktigaste for gruppa. For «Neste sommer» fekk dei Spellemannprisen 1993 i klassa rock. Albumet «Sent og tidlig» gav dei Spellemannsprisen 1995 i klassa gruppe. Bandet vann også Gammleng-prisen i klassa pop i 1994.
I tillegg til Lars-Lillo Stemberg har også far hans, Per Lillo-Stenberg, og bassist Lars Fredrik Beckstrøm skrive fleire av songtekstane til deLillos. I 2005 blei Lars Lillo-Stenberg og Rune Lindstrøm samde om å sameina det «originale deLillos» som eit sideprosjekt. Dei hadde ein konsert på klubben Elm Street i Oslo i november same året for å feire samlinga under namnet deLillos'85
Då deLillos vart oppretta i 1984 var det berre tre medlemmer, Lars Lillo-Stenberg, Lars Frederik Beckstrøm og Rune Lindstrøm, men samansettinga endra seg fire gonger fram til 1991. I tillegg til Stenberg og Beckstrøm er Lars Lundevall og Øystein Paasche med i dag.
Medlemmer
endre- Lars Lillo-Stenberg - Vokal, gitar, tangentar
- Lars Frederik Beckstrøm - Vokal, bass, kor
- Rune Lindstrøm - Trommer, kor - 1984 til 1986
- Øyvind Jevanord - Trommer, kor - 1986 til 1988
- Lars Lundevall - Gitar, kor - 1991 og utover
- Øystein Paasche - Trommer - 1988 og utover
Utgjevingar
endre- Suser avgårde (1986)
- Før var det morsomt med sne (1987)
- Hjernen er alene (1989)
- Svett smil (1990)
- Varme mennesker (1991)
- Neste sommer (1993) Gruppa vann Spellemannprisen 1993 i klassen rock for denne plata.
- Mere (live) (1994)
- Sent og tidlig (1995) Gruppa vann Spellemannprisen 1995 i klassen beste gruppe for denne.
- Stakkars (1997)
- Gamle sanger om igjen (samleplate) (1998)
- Kast alle papirene (1999)
- Midt i begynnelsen (2002)
- Festen er ikke over... det er kake igjen (2005)
- Suser videre (2006)
- Huskeglemme (2009)
- Trist å være glad (2011)
- Vi er på vei, vi kanke snu (2012)
- Rett og slett livet (2014)
- Peiling på seiling (2016)
- La oss bli fri for all nostalgi (2017)
- Dum som et menneske (2020)
- Evige dager (2022)