Dei føderalt styrte stammeområda

Dei føderalt styrte stammeområda (FATA; Federally Administered Tribal Areas) er eit område nordvest i Pakistan som blir styrt av sentralregjeringa. Det grensar til Afghanistan i vest, Balutsjistan i sør og Den nordvestlege grenseprovinsen i aust og nord.

Federally Administered Tribal Areas
وفاقی قبائلی علاقہ جات‎
territorium
Flagg Symbol
Land	Pakistan
Hovudstad	Miranshah
Areal	27 220 km²
Folketal	4 452 913
Grunnlagd	1. juli 1970
Språk	Pasjto, urdu
Dei føderalt styrte stammeområda 33°N 70.16666667°E / 33; 70.16666667
Kart som viser Dei føderalt styrte stammeområda. Kart som viser Dei føderalt styrte stammeområda.
Wikimedia Commons: Federally Administered Tribal Areas

Kart over Dei føderalt styrte stammeområda.

Stammeområdar har ikkje noka eiga provinsregjering, men er styrt av guvernøren i Den nordvestlege grenseprovinsen, som er utnemnd som representant for den pakistanske presidenten. Området har representantar i det pakistanske parlamentet og senatet, men lovane som blir laga gjeld ikkje for det.

Områda er delt inn i sju sjølvstyrte distrikt (agencies), som blir styrt av ein «politisk agent», og seks grenseregionar (Frontier Regions, FR), som blir styrte frå dei distrikta dei er knytte til i Den nordvestlege grenseprovinsen.

Ulike estimat plasserer innbyggjartalet i områda til rundt 3 341 070 (2000) eller 5 600 000 (2001). Dei utgjer rundt 2 % av pakistanarar. Berre 3,1 % av innbyggjarane i stammeområda bur i byar. Dette gjer dei til den minst urbaniserte delen av Pakistan.

Durand-linja markerer grensa mellom dei pakistanske stammeområda og Afghanistan. Sidan 2001 har Taliban og al-Qaida vore til stades i området. Den pakistanske hæren har gått inn i stammeområda Waziristan fleire gonger.

Underinndelingar

Frå sør til nord finn ein desse distrikta i stammeområda:

1. Bajaur-distriktet
2. Mohmand-distriktet
3. Khyber-distriktet
4. Orakzai-distriktet
5. Kurram-distriktet
6. Nord-Waziristan-distriktet
7. Sør-Waziristan-distriktet

Grenseområda (frontier regions) ligg vest for distrikta og er frå nord til sør:

1. FR Peshawar
2. FR Kohat
3. FR Tank
4. FR Banuu
5. FR Lakki
6. FR Dera Ismail Khan

Byar

• Landi Kotal
• Darra Adam Khel
• Wana
• Miranshah
• Parachinar
• Khar
• Ghalanai
• Hangu

Kjelder

• Denne artikkelen bygger på «Federally Administered Tribal Areas» frå Wikipedia på engelsk, og «Federalt administrerade stamområden» frå Wikipedia på svensk den 22. mars 2010.

Bakgrunnsstoff

Commons har multimedium som gjeld: Dei føderalt styrte stammeområda

• Offisiell nettstad