Det polske riksvåpenet
Det polske riksvåpenet er danna av ei kvit ørn på raudfarga botn. Ørnen ber ei krone, og har gyllent nebb og gylne klør. I Polen blir riksvåpenet vanlegvis for «Den kvite ørna» (polsk Orzeł Biały).
Dagens utgåve av riksvåpenet stammar frå 1927. Ørna opptrer på myntar frå kong Bolesław si tid, og var i opphav familievåpen for det piastiske dynastiet. Den kvite ørna blei gjort til nasjonalsymbol av Przemysł II i 1295.
Det finst ei velkjend polsk soge om opphavet til riksvåpenet. Ifølgje soga gjekk dei tre hovdingbrørne Lech, Czech og Rus kvar sin veg og oppretta kvart sitt rike. Czech blei far til tsjekkarane og Rus til rutenarane. Då Lech kom til ein stad i det noverande Polen der han søkte ly for natta, såg han ei kvit ørn som flaug opp frå reiret sitt mot den raude solnedgangen, noko som forklarer den raude bakgrunnen på våpenet. Han bestemte seg for å slå seg ned på denne staden, og plasserte ørna i våpenet sitt. Her grunnla Lech ifølgje soga den første hovudstaden i Polen, som han kallla Gniezdno (i dag Gniezno), frå ordet gniazdo ('reir').
Historisk utvikling
endre-
Kong Przemysł II sitt segl frå 1295 -
Kong Władysław Łokietek siitt segl 1320-1333 -
Riksvåpen for Polen-Litauen 1569-1795 -
Kong Stanisław August Poniatowski sitt våpen (rekonstruert) 1764-1795 -
Hertugdømmet Warszawa sitt våpen 1807-1815 -
Fane med riksvåpenet til Kongress-Polen 1815-1869 -
Januaroppstanden sitt våpen 1863-1865 -
Republikken Polen sitt riksvåpen 1919-1927 -
Polen sitt riksvåpen 1927-1945 -
Folkerepublikken Polen sitt riksvåpen 1945-1989. Krona er fjerna.
.png)
.svg)
Kjelder
endre- Denne artikkelen bygger på «Polens riksvåpen» frå Wikipedia på bokmål, den 21. juli 2019.