Detlef Thorith
Detlef Thorith (27. september 1942–17. juli 2019) var ein tysk diskoskastar frå Berlin som representerte Aust-Tyskland. Han vart europameister i øvinga under EM i friidrett 1966 i Budapest. Thoriths personlege rekord er frå 1972 og lyder på 64,82 meter.
| Detlef Thorith | |
| Statsborgarskap | Tyskland, Den tyske demokratiske republikken |
| Fødd | 27. september 1942 Koszalin |
| Død | |
| Idrett | friidrett |
| Tok del i | |
Aktiv endre
Thorith sette personleg rekord med 57,43 m i 1964, men var ikkje god nok til å få plass i OL-troppen til Tyskland. To år seinare kasta han under EM i friidrett 1966 ein cm kortare enn den tidlegare personlege bestenoteringa, men det var tilstrekkeleg til å vinne gullmedaljen i ei svært jamn tevling, der alle medaljane gjekk til austyske utøvarar. Få veker i forkant av meisterskapen hadde han nådd 61,30 m, og vart dermed den fyrste tyskaren som passerte 60-metersgrensa i diskoskast.
Han sette austtysk rekord med 62,26 m i 1967, og tok sin fyrste av tre DDR-titlar i diskoskasting. I OL-sesongen 1968 var han berre så vidt over 60 meter, og fekk dermed ikkje vere med til OL i Mexico-byen. Heller ikkje til EM 1969 eller 1971 fekk han reisesetel, men vart austtysk meister i 1970. Han forbetra besteresultatet sitt til 63,90 m i 1970, og gjorde sitt livs lensgste kast med 64,82 m i 1972. Thorith deltok under Sommar-OL 1972 i München, der han kom på sjetteplassen. Same sesongen tok han i den austtyske meisterskapen si tredje gullmedalje i diskos.
Medaljar og plasseringar i internasjonale meisterskap endre
- EM 1966 i Budapest: Gullmedalje – 57,42 m, framom Hartmut Losch (57,34 m)
- OL 1972 i München: Nr 6 – 62,42 m
Kjelder endre
- Friidrott-65, Friidrott-68, Friidrott-69, Friidrott-71 og Friidrott-72. Hälsingborg.
- Denne artikkelen bygger på «Detlef Thorith» frå Wikipedia på tysk, den 15. august 2014.