Dina Asher-Smith

Dina Asher-Smith (fødd 4. desember 1995) er ein britisk friidrettsutøvar frå Orpington som tevlar på sprintdistansane. Ho vart europameister på 200 meter under EM i friidrett 2016, og har to stafettmedaljar frå VM 2013 og EM 2016.

Dina Asher-Smith
Statsborgarskap	Storbritannia
Fødd	4. desember 1995 (29 år) Orpington
Idrett	friidrett
Tok del i	Samveldeleikane 2018, Friidrett under Sommer-OL 2016 – 200 meter kvinner, Friidrett under Sommer-OL 2016 – 4 × 100 meter stafett kvinner, Friidrett under Sommer-OL 2020 – 4 × 100 meter stafett kvinner, VM i friidrett 2022
Utmerkingar	100 Women

Aktiv

Asher-Smith vann 200-meteren og sprang på Storbritannia sitt vinnarlag på 4 x 100 m stafett under junior-EM 2013 i italienske Rieti. Ein månad seinare deltok ho også på Storbritannia sitt bronselag i 4 x 100 m stafett då verdsmeisterskapen 2013 fann stad i Moskva. Også i 2014 vann ho ein EM-tittel for juniorar, men då på 100 meter i Eugene i USA.

I juli 2015 sette Asher-Smith personleg rekord på 100 meter med 10,99 sekundar under eit stemne i London. Ho kvalifiserte seg i august same året til finalen på 200 m i verdsmeisterskapen i Beijing. I finalen kom ho i mål på tida 22,07, ny britisk rekord, men ho vart likevel berre nummer fem i det som må ha vore det tidenes sterkaste felt i ein 200 meter for kvinner.

Asher-Smith vann EM-gull på 200 m og fekk eit sølv på 4 x 100 m stafett under friidretts-EM 2016 i Amsterdam.

Medaljar og plasseringar i internasjonale meisterskap

• VM 2013 i Moskva: Bronse i 4 x 100 m stafett
• EM 2014 i Zürich: Nr 8 på 200 m – braut (22,61 i semifinalane)
• VM 2015 i Beijing: Nr 5 på 200 m – 22,07
• EM 2016 i Amsterdam: Gullmedalje på 200 m – 22,37, framom Ivet Lalova (22,52)
• OL 2016: Bronse på 4 × 100 meter stafett
• OL 2020: Bronse på 4 × 100 meter stafett
• OL 2024: Sølv på 4 × 100 meter stafett

Kjelder

• Denne artikkelen bygger på «Dina Asher-Smith» frå Wikipedia på engelsk, den 11. juli 2016.

• «Dina Asher-Smith» (på engelsk). Olympedia. Henta 15. mars 2023.