Divvun
Divvun (av nordsamisk divvun, 'retting') er ei gruppe ordretteprogram laga for nord-, lule- og sørsamisk. Programma er laga av språkteknologisenteret med same namn, og er basert på analyseprogram for samisk som Divvun har laga i lag med Giellatekno, Senter for samisk språkteknologi, begge ved Universitetet i Tromsø.
Divvun-programma er bygd som endelege tilstandsautomatar, og dei er tilgjengeleg som open kjeldekode.