Dominic Howard

Dominic James Howard (fødd 7. desember 1977 i Stockport) er ein engelsk musikar best kjend som trommeslagar, perkusjonist og medprodusent for det alternative rockebandet Muse.

Dominic Howard
Fødd	7. desember 1977 Stockport i England
Fødestad	Stockport
Opphav	Storbritannia
Aktiv	1994-no
Sjanger	Alternativ rock, new prog, elektronisk rock, symfonisk rock
Instrument	Trommer
Tilknytte artistar	Muse
Plateselskap	Warner Bros., Mushroom, East West, Helium 3, Taste
Verka som	musikar, multiinstrumentalist
Prisar	Honorary Doctor of Arts

Under framføring av «Uprising» på Estadio Ciudad de La Plata

Oppvekst

Howard vart fødd i Stockport, Greater Manchester, England. Då han var rundt 8 år gammal flytta han med familien til Teignmouth, ein liten by i Devon. Han byrja å spela trommar i 12 års-alderen, då han blei inspirert av eit jazzband som hadde opptrett på skulen.

Carnage Mayhem var det fyrste bandet til Howard, som han spelte i mens han gjekk på skulen. Der blei han ven med Matthew Bellamy, som spelte gitar, men ikkje hadde eit stabilt band. Han blei med i Howard sitt band, og etter 2 år foreslo Bellamy at dei kunne skrive sine eigne songar. Berre Bellamy og Howard blei verande, og dei inviterte Chris Wolstenholme med i bandet. I dei fyrste månadene av 1994 blei Gothic Plague til, etterfylgt av Rocket Baby Dolls og til slutt Muse. Howard er ein venstrehendt trommeslagar. Han har òg tromma i Vicky Cryer med Jason Hill frå Louis XIV.

Privatliv

I 2004 kom Howard sin far, William Howard, for å sjå Muse opptre på Glastonbury Festival. William døydde av eit hjarteinfarkt like etter showet var ferdig, og bandet avlyste fleire show i Italia-turneen og på Roskilde Festival. I ein spørsmålsrunde der Howard og Bellamy svara på spørsmål frå fansen, uttalte Howard at kjendisen han hadde mest lyst til å møta var Jimi Hendrix. Han hadde ein hund med namn Hendrix.

Kjelder

• Denne artikkelen bygger på «Dominic Howard» frå Wikipedia på engelsk, den 22. juli 2015.