Doris

Doris er eit kvinnenamn av gresk opphav. Det har også vore noko brukt som mannsnamn. Namnet er i slekt med Dorris og Dory.

Skodespelaren Doris Day i filmtrailer.

Forfattaren Doris Lessing.

Doris har svensk namnedag den 6. februar og norsk den 7. august.

Tyding

Det greske ordet doris (Δωρίς) tyder 'dorisk kvinne'. Doris er namnet på ei okeanide (ei havnymfe) i gresk mytologi.

Det kan også vera sett på som ei kortform av Dorothea (gresk Δωροθεα), der førsteleddet tyder 'gåve'.

Bruk

Namnet blei utbreidd i Europa på 1800-talet. Det var særleg brukt i USA på 1920- og 1930-talet, då 1,0 % og fleire av alle jenter fekk namnet. I Noreg hadde 573 kvinner førenamnet Doris i 2009.

Kjende namneberarar

• Doris Lessing (1919-2013), britisk forfattar
• Doris Day (1922-2019), amerikansk songar og skodespelar
• Doris Hart (1925-2015), USA-amerikansk tennisspelar
• Doris Roberts (1930-2016), USA-amerikansk skodespelar
• Doris Troy (1937-2004), USA-amerikansk songar
• Doris de Agostini (f. 1958), sveitsisk alpinist

Kjelder

• Denne artikkelen bygger på «Doris» frå Wikipedia på bokmål, og «Doris» frå Wikipedia på dansk den 6. februar 2009.
• Doris på behindthename.com
• Søk etter norsk namnestatistikk for Doris hjå Statistisk Sentralbyrå