Einar Bruno Larsen

Einar Bruno Larsen (17. november 1939–27. juli 2021) var ein norsk fotball- og ishockeyspelar frå Oslo. Både i fotball og ishockey spelte han i løparrekka.

Einar Bruno Larsen
Statsborgarskap	Noreg
Fødd	17. november 1939 Oslo
Død	27. juli 2021 (81 år)
Idrett	ishockey, fotball
Tok del i	Vinter-OL 1964
Utmerkingar	Gullpucken

Karriere

Ishockey

Larsen spelte på Vålerengen sitt ishockeylag i periodane 1959-67 og 1972-75. Han vart noregsmeister sju gongar og seriemeister seks år i rad. I 1963 vart Larsen tildelt gullpucken som årets spelar. Han deltok i 60 VM- og OL-kampar i ishockey, mellom anna under Vinter-OL 1964 i Innsbruck.

Fotball

Larsen debuterte i 1957. Våren 1961 kneip Vålerengen andreplassen i avdeling A av Hovudserien. I bronsefinalen slo laget byrival Lyn 6–4. Høgdepunktet på fotballbana kom då Vålerengen i 1965 gjekk til topps i 1. divisjon, klubbens fyrste store triumf på fotballbana. Med 10 nettkjenningar vart Larsen toppskårar for meisterlaget, som mellom andre bestod av Leif Eriksen, Nils Arne Eggen og Arild Mathisen. Han slutta med fotball då Vålerengen i 1968 enda på sisteplassen i 1. divisjon.

Larsen spelte 3 landskampar for Noreg. Etter 2–1 over Island på Ullevål stadion i ein kvalifiseringskamp til Sommar-OL 1960 den 21. august 1959, vart det i mai 1960 tap mot Danmark i København. Den 1. juli 1964 vart han, på Brann stadion i Bergen, matchvinnar då Noreg vann med 3 mål mot Sveits sine 2.

Merittar

Ishockey

• Noregsmeister: 1960, 1962, 1963, 1965, 1966, 1967 og 1971 med Vålerengen IF
• Seriemeister: 1962, 1963, 1964, 1965, 1966, 1967 med Vålerengen IF

Fotball

• Seriemeister: 1965 med Vålerengen IF

Kjelder

• eu-football