Einar Røberg
Einar Røberg (14. februar 1928–17. september 2021) var ein norsk friidrettsutøvar frå Trysil som åra 1950-52 vart norsk meister i spydkast. I tida 1947 til 1958 vann han i tillegg fem NM-sølv og ein NM-bronse. Røberg var medlem i Søre Trysil IL.
| Einar Røberg | |
| Statsborgarskap | Noreg |
| Fødd | 14. februar 1928 Trysil kommune |
| Død | 17. september 2021 (93 år) |
| Idrett | friidrett |
Røberg forbetra den personlege rekorden i spydkast frå 62,63 meter i 1947 til 65,95 m i 1951. Det siste resultatet var årsbeste i Noreg, det var også hans 69,05 meter i 1952. Frå 1953 møtte han sin store overmann i Egil Danielsen. Sjølv fekk Røberg den 28. august 1957 opp sitt livs lengste kast. Heime på Plassen i Trysil landa spydet på 71,18 meter, hans einaste kast over 70 m.
Medaljar i noregsmeisterskap
endre- 1947 i Oslo: Sølvmedalje, bakom Odd Mæhlum
- 1948 i Trondheim: Sølvmedalje, bakom Odd Mæhlum
- 1949 i Oslo: Bronsemedalje
- 1950 i Oslo: Gullmedalje, framom Odd Mæhlum
- 1951 i Oslo: Gullmedalje, framom Odd Mæhlum
- 1952 i Oslo: Gullmedalje, framom Egil Danielsen
- 1953 i Trondheim: Sølvmedalje, bakom Egil Danielsen
- 1955 i Oslo: Sølvmedalje, bakom Egil Danielsen
- 1958 Trondheim: Sølvmedalje, bakom Willy Rasmussen