Eininga mark
- For andre tydingar av oppslagsordet, sjå mynteininga mark.
Mark er ei tradisjonell måleeining for masse, i Noreg tilsvarande omkring ein kvart kilogram. To merker vart rekna til eit pund (eller skålpund). 24 merker vart rekna til eit bismarpund, 72 merker vart rekna til ei våg. I tekst blir mark ofte gitt att med teiknet ₻, som i HTML blir skrive ₻.
- I mellomalderen (til om lag 1500) var ei mark lik 8 øre = 24 ertoger; rekna til 214,32 gram
- Frå 1500-talet vart ei kølnsk mark bruka som sølvvekt, rekna til 230-235,18 gram[1]
- På 1600-talet tilsvarte ei mark 257,18 g [2]
- Frå 1683 er ei københavnsk mark rekna lik 249,88 gram
- Frå metersystemet vart innført i 1875, skal mark i eldre avtalar reknast lik 1/4 kg[3]
Ordet «mark» tyder eigentleg 'merkestrek på ein bismar'.
Kjelder
endre- Arvid Sveli (red.): Skogbruk i Nord-Norge, Nord-Norges Skogsmannsforbund 1987
- «mark» i Nynorskordboka.
- ↑ Norsk historisk leksikon
- ↑ Norsk historisk leksikon
- ↑ Lov om Maal og Vægt 1875 (PDF), arkivert frå originalen 13. august 2011, henta 22. februar 2010