Katodestråle
(Omdirigert frå Elektronstråle)
Ein katodestråle eller elektronstråle (e-stråle) er frie elektron som flyttar seg med stor snøggleik, som regel i høgvakuum eller fortynna luft. Elektronstrålar vart oppdaga av Julius Plücker i 1858[treng kjelde].
Strålane vert observert i eit glasrøyr i vakuum. Glasrøyret er utstyrt med minst to elektrodar av metall som vert tilført elektrisk spenning, ein katode eller negativ elektrode og ein anode eller positiv elektrode. I katodestrålerøyr vert det nytta elektromagnetar for å bøya av banen til katodestrålen slik at han treff skjermen i fronten av røyret på ein bestemt plass. Katodestrålerøyr vart tidlegare nytta i oscilloskop, fjernsyn, radarskjermar og så vidare.