Erling Lars Dale
Erling Lars Dale (fødd 12. mars 1946 Ulvik, død 25. september 2011) var ein norsk professor i pedagogikk ved Pedagogisk Forskningsinstitutt ved Universitetet i Oslo (sidan 1993). Dale var frå Ulvik herad i Hardanger.[1][2]
| Erling Lars Dale | |||
| Fødd | 12. mars 1946 Ulvik herad | ||
|---|---|---|---|
| Død | 25. september 2011 Kongsvinger kommune | ||
| Nasjonalitet | Noreg | ||
| Yrke | professor | ||
| Institusjonar | Universitetet i Oslo | ||
Dale tok magistergraden i pedagogikk i 1974 og vart tilslutta instituttet i 1976, tok doktorgrad i 1987 og vart professor i 1995. Han var særleg oppteken av didaktikk, pedagogiske grunnlagsproblem, skuleutvikling og -vurdering, lærarrolla og yrkesetikk. Ei tid var han amanuensis og fyrsteamanuensis i sosialpedagogikk ved UiO.
Han skreiv ei rekkje bøker om faget sitt. Den fyrste, Pedagogikk og samfunnsforandring, er frå 1972. Seinare skreiv mellom anna De strategiske pedagoger – pedagogikkens vitenskapshistorie i Norge (1999), Rom for alle, blikk for den enkelte (2004) og Vurdering og læring i en elevaktiv skole (2006).
Dale døydde på Kongsvinger.
Kjelder
endre- «Erling Lars Dale» på Wikipedia på bokmål og riksmål, innhenta 4. januar 2010.
- Knut Olav Åmås [red.]: «Dale, Erling Lars» i Hvem er hvem? (Aschehoug, 2008).
Bakgrunnsstoff
endre- Publikasjonar av Erling Lars Dale i forskingsdokumentasjonssystemet Cristin