Espås-saka
Espås-saka er ei av dei mest omtalte og omfattande uoppklarte drapssakene i Noreg i nyare tid. Trude Espås (fødd 1975) var ei kvinne som vart valdteken og drepen i Geiranger den 8. august 1996. Saka har vore gjenoppteken fleire gonger, utan vidare resultat.[1][2]
Saka endre
Trude Espås forsvann frå Geiranger 8. august 1996. Ho vart observert sitjande på eit utsiktspunkt like utanfor sentrum. Dagen etter vart det sett i gang ein omfattande leiteaksjon. Elleve dagar seinare vart ho funnen i ei steinur like utanfor sentrum av Sunnmørs-bygda. Dette utløyste ein massiv etterforskning, der m.a Kripos var involvert gjennom fleire år.[1]
Arbeidet til politiet gjekk ut på å kartleggja alle identitetar og køyretøy i Geiranger drapsdagen. Alle namnelister frå hotell og campingplassar vart samla inn, og alle som hadde brukt kredittkort eller vorte observert vart lagd inn i databasane til politiet. Problemet til politiet var at mange av turistane som vitjar Geiranger kunne koma og forsvinna utan å leggja igjen spor som kunne knytast til identiteten deira.[3]
Saka var spesielt vanskeleg for politiet ettersom Geiranger normalt ikkje har meir enn 270 fastbuande, medan det i turistsesongen kan vera fleire tusen innom den vesle bygda kvar dag. 3 100 vitne frå 37 land vart avhøyrde. Så langt er ingen sikta for drapet. Ein tysktalande mann er framleis etterlyst i saka, og politiet har forklart at denne mannen kan vera gjerningsmannen.[4]
Saka medførte interesse frå mange klarsynte personar.[5] Politiet i Møre og Romsdal tok opp att den aktive etterforskinga av drapet på Trude Espås 1. september 2016.[6]
Kjelder endre
- ↑ 1,0 1,1 «Gir ikke opp Espås-saken», BT.no, 12. januar 2001
- ↑ NTB (27. juli 2017). «Politiet har fått nye tips i Trude Espås-saken - 21 år etter drapet». Nettavisen (på norsk). Henta 9. desember 2020.
- ↑ Espås-drapet kan forbli uoppklart]. Nettavisen.no, publisert 28.5.2006.
- ↑ Ingen løsning i Espås-saken]. VG.no Publisert 31.01.1999.
- ↑ «35 nye tips i Espås-saken», VG.no, 21.10.2002
- ↑ Trym Mogen (1. september 2016), «Intensiverer etterforskningen av drapet på Trude Espås», Dagbladet.no
- Denne artikkelen bygger på «Espås-saken» frå Wikipedia på bokmål, den 19. mars 2017.
Bakgrunnsstoff endre
- Linda Klakken: Jakten - på sporet av mannen som drepte Trude Espås Kagge 2022 ISBN 9788248930853
Denne artikkelen kan ha godt av ein språkvask |
Opprydding: Denne artikkelen kan ha godt av ei opprydding. Sjå korleis du redigerer ei side og stilmanualen for hjelp. |