Even Christensen Ringnæs

Even Christensen Ringnæs (1. desember 1782–1. juli 1870) var ein norsk gardbrukar, ordførar og stortingsmann frå Stange i Hedmark. Nils Christensen Ringnæs var bror hans.

Even Christensen Ringnæs
Fødd	1. desember 1782 Stange
Død	1. juli 1870 (87 år) Stange
Yrke	bonde, politikar

Far hans var gardbrukar og gardeigar. Sjølv var han 1806-12 styrar av garden Ajer i Furnes, ein gard far hans eigde. Frå 1812 var han i femti år gardbrukar på farsgarden i Stange. Han var ordførar i heradet i mange år og medlem av forlikskommisjonen 1831-42.

Ringnæs var 2. representant frå Hedemarkens amt på Stortinget 1830. Der var han medlem av næringskomiteen.

Han døydde på slektsgarden i Stange i 1870.

Kjelder

• Lindstøl, Tallak (1914). «Ringnæs, Even Christensen». Stortinget og statsraadet B. 1 D. 2 : Biografier L-Ø : samt tillæg. Kristiania: Steenske bogtrykkeri. s. 716. 
• Biografisk informasjon om Even Christensen Ringnæs NSD Norsk senter for forskningsdatas politikararkiv