Eydehavn Museet
Eydehavn Museet er eit industri- og arbeidarmuseum på Eydehavn i Arendal kommune.
| Eydehavn Museet | |||
 | |||
| Stad | Arendal | ||
|---|---|---|---|
 Eydehavn Museet 58°30′02″N 8°51′53″E / 58.50058333°N 8.86466667°E | |||
Hovudutstillinga til museet rommar mange tema knytt til industristaden og samfunnet her. Dei to hjørnesteinsverksemdene AS Arendal Smelteverk og Det norske Nitridaktieselskap (Nitriden) har ein sentral plass. Museet har også ei arbeidarleilegheit innreidd i 1920-talsstil. Utstillinga Marens minner viser kvardagsliv og feiring av høgtidar på garden Helle ved Neskilen frå tida rundt 1900. Historia blir fortald gjennom tekstar, bilete og gjenstandar. Resten av lokala inneheld Sam Eyde-rommet, som blir nytta til møte og fagrørsla sitt rom med m.a. fagforeiningsfaner.
Museet har ei utandørs utstilling plassert i gatene i Eydehavn. Utstillinga er basert på gatenamn med personnamn. I løpet av tre kilometer får ein eit innblikk i historia til Eydehavn gjennom desse personane.
Museet opna i 1982, og har lokale og utstillingar i ein av dei gamle murgardane i Nesbyen frå den fyrste tida av industristaden. 12 arbeidarbustader vart bygde av Det Norske Nitridaktieselskap mellom 1913 og 1916, og kvar av dei inneheldt to eller fire leilegheiter.
Samlingane til museet omfattar gjenstandar, bilete og arkivmateriale knytt til bedriftane og samfunnet på Eydehavn. I tillegg finn ein ei utstilling av biletkunstnaren Else Hagen som vaks opp på Eydehavn.
Eydehavn Museet ein del av Aust-Agder museum og arkiv.
Kjelder endre
- Denne artikkelen bygger på «Eydehavnmuseet» frå Wikipedia på bokmål, den 1. april 2024.