Fíli gia pánta
| «Fíli gia pánta» | ||
| Land | Hellas | |
| Språk | Gresk | |
| Utgjeve | 2003 | |
| Låtskrivar(ar) | Nikólas Ganópoulos | |
|---|---|---|
«Fíli gia pánta» er ein song frå 2003, skriven og framført av Nikólas Ganópoulos.
«Fíli gia pánta» var eit av bidraga i Eurovision Junior 2003, den greske uttakinga til Junior Eurovision Song Contest 2003 i København i Danmark. Songen vart framført på gresk av Nikólas Ganópoulos. Bidraget vann tevlinga med 5 009 røyster.[1]
I den fyrste utgåva av Junior Eurovision Song Contest, Junior Eurovision Song Contest 2003, debuterte Hellas med «Fíli gia pánta», framført på gresk av Nikólas Ganópoulos. Reglane var òg slik at ein måtte skrive songen sjølv. «Fíli gia pánta» av Nikólas Ganópoulos var det fyrste bidraget som vart framført i Junior Eurovision Song Contest, og det fyrste bidraget som vart framført på gresk.[2] Hellas enda på åttandeplass med 53 poeng; tolv frå Kypros, sju frå Kroatia, Noreg og Storbritannia, fem frå Lativa og Romania, tre frå Sverige og eitt frå Kviterussland, Makedonia, Polen, Danmark og Nederland.
Fotnotar endre
- ↑ «2003» (på engelsk). esckaz.com. Henta 1. mai 2014.
- ↑ «List of languages in the Junior Eurovision Song Contest» (på engelsk). tosiasiat.fi. Henta 1. mai 2014.
Kjelder endre
- Denne artikkelen bygger på «Junior Eurovision Song Contest 2003» frå Wikipedia på engelsk, den 1. mai 2014.