Fjordhest-NM
Fjordhest-NM eller Noregsmeisterskapen for fjordhest har blitt arrangert kvart år sidan 1986. Fjordhest-NM er den årlege stormønstringa for fjordhest-ekvipasjar, der det blir konkurrert i dressurriding, sprangriding, dressurkøyring, presisjonskøyring og maratonkøyring. Det har også blitt arrangert terrengritt og andre konkurransar.
Det blir kåra meistrar i dei ulike greinene, og det blir kåra noregsmeistrar for senior og junior, til den beste og mest allsidige ekvipasjen i tre konkurransar samanlagt: Dressurriding, sprangriding og høvesvis presisjonskøyring i juniorklassa og maratonkøyring i seniorklassa.
Til nokre av klassane er det kvalifiseringskrav, medan andre klasser har opa deltaking.
NM for fjordhest blir arrangert av lokale ride- og køyreklubbar, i samarbeid med lokale fjordhestlag og Norges Fjordhestlag. Den første meisterskapen i 1986 gjekk i Førde.
Meisterskapen har hatt aukande deltaking. Meisterskapen i 2009 hadde meir enn 100 deltakande ekvipasjar. Fjordhest-NM 2010 vart arrangert i Ørsta.
Det blir også arrangert Nordisk meisterskap for fjordhest, i det siste annakvart år.
Kjelder
endre- NorgesMesterskap for fjordhest, hos Norges Fjordhestlag, vitja 5. februar 2010 Arkivert 2010-07-24 ved Wayback Machine.
- Statuttar for NM for fjordhest for 2009, vitja 5. februar 2010 Arkivert 2009-05-27 ved Wayback Machine.
- Nordisk Mesterskap for fjordhest hos Norges Fjordhestlag, vitja 5. februar 2010 Arkivert 2010-01-15 ved Wayback Machine.