Flygaren Jens Müller
Jens Einar Müller (fødd 30. november 1917 i Shanghai, daud 30. mars 1999) var ein norsk flygar under andre verdskrigeng. Han var ein av tre krigsfangar som klarte å rømma frå Stalag Luft III i det som vert kalla «Den store flukta».[1]
| Jens Müller | |||
 Jens Müller framfor eit av Hurricane-flya til 331 skvadron i 1941 | |||
| Fødd | 30. november 1917 | ||
|---|---|---|---|
| Fødestad | Shanghai | ||
| Død | 30. mars 1999 | ||
| Dødsstad | Bærum kommune | ||
| Eining | Luftforsvaret | ||
Karriere og krigsinnsats endre
Müller studerte i Zürich då andre verdskrigen braut ut, men kom seg i mai 1940 til England. Müller var flyinteressert, og hadde fått flysertifikat allereie som attenåring i 1935. Han gjekk likevel gjennom flygaropplæring i det første kullet i Treningsleiren til Flyvåpenet i Little Norway. Etter å ha oppnådd «flygevengen» vart han send til ei engelsk eining for å få trening i operativ flyging, før han vart send til 331 skvadron.
Den 19. juni 1942 deltok fleire flygarar, mellom dei 331 skvadron, i luftstøtta i samband med Dieppe-raidet. Müller vart skoten ned av tyske fly og enda opp i fangeleiren Stalag Luft III nær Żagań i Polen. Natt til 25. mars 1944 klarte 76 fanger å rømma frå leiren. Müller, som blant anna hadde bidrege til flukta ved å konstruera ei pumpe for ventilering av lufta i flukttunnelane, var ein av tre fangar som ikkje vart tekne etter flukta.[2] Som hemn for flukta avretta tyskarane 50 av dei 73 fangane som ikkje kom seg unna, mellom dei nordmennene Halldor Espelid og Nils Jørgen Fuglesang.
Müller og Per Bergsland, den andre nordmannen som kom seg unna, tok seg til Stettin og derfrå vidare til England. Dei hamna begge tilbake i Canada som instruktørar på flyskolen.
Etter krigen byrja Jens Müller i Det Norske Luftfartselskap, der han straks vart kaptein. Han heldt der fram då DNL gjekk over i SAS, fram til han pensjonerte seg i 1977. Han var bror til filmregissøren Nils R. Müller (1921–2007).
Britane heidra han med Militærkrossen for krigsinnsatsen.[3]
Bibliografi endre
- Tre kom tilbake (Jens Müller, 1946)
Kjelder endre
- Denne artikkelen bygger på «Jens Müller (flyger)» frå Wikipedia på bokmål, den 3. april 2019.
- Spitfire Saga bind I (Cato Guhnfeldt, 2009. ISBN 978-82-998071-1-1)
Fotnotar endre
- ↑ The Three That Got Away (NOVA)
- ↑ Mehre, Helge (1982). Spitfire: en beretning om den 132. norske jagerwing i den 2. verdenskrig. Universitetsforlaget. s. 101. ISBN 8200062848.
- ↑ «Ordensutdeling i den britiske ambassaden», Aftenposten, morgonnummeret 16. januar 1948, s. 3.